Zomato: హైదరాబాద్లో జొమాటో కస్టమర్ సపోర్ట్ కేంద్రం బంద్.. 250 ఉద్యోగాలు ఔట్
ఈ వార్తాకథనం ఏంటి
ఆన్లైన్ ఫుడ్ డెలివరీ సంస్థ జొమాటో హైదరాబాద్లోని తన కస్టమర్ సపోర్ట్ కార్యకలాపాలను నిలిపివేయాలని నిర్ణయించింది. ఈ నిర్ణయంతో సుమారు 250 మంది ఉద్యోగాలు కోల్పోయే అవకాశం ఉందని 'ఎకనామిక్ టైమ్స్' నివేదించింది. కస్టమర్ సపోర్ట్ సేవల నిర్వహణ విధానంలో గత ఆరు నెలలుగా చోటుచేసుకున్న మార్పుల నేపథ్యంలో సంస్థ ఈ నిర్ణయం తీసుకున్నట్లు సమాచారం. ఇందులో భాగంగా కస్టమర్ సపోర్ట్ పనుల్లో ఎక్కువ భాగాన్ని థర్డ్ పార్టీ సంస్థలకు అప్పగిస్తోంది.
వివరాలు
ఉద్యోగులకు సమాచారం
హైదరాబాద్ కేంద్రాన్ని మూసివేయనున్న విషయాన్ని జొమాటో సోమవారం ఉద్యోగులకు తెలియజేసింది.
కస్టమర్ సపోర్ట్ కార్యకలాపాల నిర్వహణ విధానం, సంస్థ అవసరాలపై సమీక్ష చేసిన అనంతరం ఈ నిర్ణయం తీసుకున్నట్లు తెలిపింది.
ప్రస్తుతం సంస్థ ప్రధాన కార్యాలయంలోనే అంతర్గత కస్టమర్ సపోర్ట్ కార్యకలాపాలను కేంద్రీకరించాలని జొమాటో నిర్ణయించింది.
వివరాలు
ఉద్యోగులకు పరిహారం.. కొత్త ఉద్యోగాలకు సాయం
హైదరాబాద్ కేంద్రం మూసివేతతో ప్రభావితమయ్యే ఉద్యోగులకు జొమాటో పరిహార ప్యాకేజీలు అందించనున్నట్లు సమాచారం.
అలాగే ఉద్యోగాలు కోల్పోయే వారికి కొత్త ఉద్యోగాలు వెతుక్కోవడంలోనూ సహాయం చేయాలని సంస్థ నిర్ణయించినట్లు నివేదిక పేర్కొంది.
కస్టమర్ సపోర్ట్ సేవల్లో ఎక్కువ భాగాన్ని బయటి సంస్థలకు అప్పగించడం ద్వారా కార్యకలాపాలను పునర్వ్యవస్థీకరిస్తున్నట్లు తెలుస్తోంది.