కేబుల్ రెడ్డి: పీరియాడిక్ కామెడీ డ్రామాతో వస్తున్న యాక్టర్ సుహాస్
కలర్ ఫోటో, రైటర్ పద్మభూషణ్ వంటి విభిన్నమైన సినిమాతో ప్రేక్షకులను అలరించిన యాక్టర్ సుహాస్, మరోసారి వైవిధ్యమైన కథను ప్రేక్షకులకు చూపించేందుకు సిద్ధమవుతున్నాడు. సుహాస్ హీరోగా కేబుల్ రెడ్డి అనే టైటిల్ తో తెరకెక్కుతోంది. ఈ సినిమాకు శ్రీధర్ రెడ్డి దర్శకత్వం వహిస్తున్నారు. ఈ సినిమా ఫస్ట్ లుక్ పోస్టర్ ని ఇంతకుముందే రిలీజ్ చేసారు. ఈ పోస్టర్ లో చూపించిన ప్రకారం, ఈ సినిమాలో కేబుల్ డిష్ ఓనర్ గా సుహాస్ కనిపించనున్నాడని అర్థమవుతోంది. షాలిని కొండేపూడి హీరోయిన్ గా కనిపిస్తున్న ఈ సినిమాను, బాలు వల్లు, ఫణి ఆచార్య నిర్మిస్తున్నారు. ఆల్రెడీ షూటింగ్ జరుపుకుంటున్న ఈ సినిమా 2024వేసవిలో విడుదలవుతుంది.
