Toxic : 'టాక్సిక్'లో కియారా ఫస్ట్ లుక్ రిలీజ్.. యష్ చేతుల మీదుగా పోస్టర్ విడుదల
ఈ వార్తాకథనం ఏంటి
కన్నడ స్టార్ హీరో యష్ ప్రధాన పాత్రలో నటిస్తున్న మోస్ట్ అవైటెడ్ పాన్ ఇండియా చిత్రం 'టాక్సిక్: ఎ ఫెయిరీ టేల్ ఫర్ గ్రోన్-అప్స్'పై మరో భారీ అప్డేట్ వచ్చింది. గీతూ మోహన్ దాస్ దర్శకత్వంలో తెరకెక్కుతున్న ఈ సినిమా ప్రస్తుతం షూటింగ్ దశలో ఉంది. తాజాగా ఈ చిత్రానికి సంబంధించిన కీలక అప్డేట్గా హీరోయిన్ కియారా అద్వానీ ఫస్ట్ లుక్ను మేకర్స్ అధికారికంగా విడుదల చేశారు. ఈ సినిమాలో కియారా అద్వానీ 'నదియా' అనే ముఖ్యమైన పాత్రలో కనిపించనుంది.
Details
తన
ఫస్ట్ లుక్ పోస్టర్లో ఆమె పూర్తిగా కొత్త షేడ్లో, స్టైలిష్గా దర్శనమిస్తూ సినిమాపై అంచనాలను మరింత పెంచింది. కియారా లుక్ను పరిశీలిస్తే, ఈ చిత్రంలో ఆమె పాత్ర కేవలం గ్లామర్కే పరిమితం కాకుండా కథలో కీలక పాత్ర పోషించబోతుందనే సంకేతాలు కనిపిస్తున్నాయి. 'KGF: చాప్టర్ 2' తర్వాత దాదాపు ఐదేళ్ల విరామం అనంతరం యష్ మళ్లీ బిగ్ స్క్రీన్పై కనిపించనున్న చిత్రం కావడంతో 'టాక్సిక్'పై అభిమానులు, సినీ వర్గాల్లో భారీ అంచనాలు నెలకొన్నాయి. ఈ సినిమాను 2026 మార్చి 19న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ ఇప్పటికే ప్రకటించారు.
Details
తన
ఉగాది, గుడి పడ్వా, ఈద్ పండుగల వీకెండ్ను టార్గెట్ చేస్తూ రిలీజ్ డేట్ను ఖరారు చేయడంతో బాక్సాఫీస్ వద్ద భారీ ఓపెనింగ్స్ ఖాయమని ట్రేడ్ వర్గాలు అంచనా వేస్తున్నాయి. స్టైలిష్ ప్రెజెంటేషన్, డార్క్ ఫెయిరీ టేల్ టోన్, యష్ పవర్ఫుల్ స్క్రీన్ ప్రెజెన్స్తో 'టాక్సిక్' పాన్ ఇండియా స్థాయిలో మరో సంచలనం సృష్టించేందుకు సిద్ధమవుతోంది. కియారా అద్వానీ ఫస్ట్ లుక్ విడుదలైన వెంటనే ఈ సినిమా సోషల్ మీడియాలో ట్రెండింగ్లో నిలిచింది. సౌత్లో వరుస ఫ్లాప్స్ ఎదుర్కొన్న కియారా, రాబోయే 'టాక్సిక్'తో సాలిడ్ హిట్ అందుకుంటుందేమోనని అభిమానులు ఆసక్తిగా ఎదురుచూస్తున్నారు.