తన క్యారెక్టర్ రివీల్ చేసి పుష్ప 2 సినిమాపై అంచనాలు పెంచేసిన జగపతిబాబు
ఈ వార్తాకథనం ఏంటి
ప్రస్తుతం దేశవ్యాప్తంగా సినీ అభిమానులంతా పుష్ప 2 సినిమా కోసం ఎంతగానో ఎదురుచూస్తున్నారు. ఈ విషయాన్ని ఓరామ్యాక్స్ సినిమాటిక్స్ వెల్లడి చేసింది.
ఎక్కువగా ఏ సినిమా కోసం ఎదురుచూస్తున్నారని ఓరామ్యాక్స్ చేపట్టిన సర్వేలో అధిక శాతం అభిమానులు పుష్ప 2 అని చెప్పారని ఓరామ్యాక్స్ వెల్లడి చేసింది.
బాలీవుడ్ చిత్రాలైన జవాన్, భూల్ భులయ్యా 3 చిత్రాలను వెనక్కి నెట్టి మొదటి స్థానంలో నిలిచింది పుష్ప.
ఆ ఆనందంలో అభిమానులు సంతోషంలో ఉండగా, పుష్ప 2 సినిమాలోని తన పాత్ర గురించి ఆసక్తికరమైన కామెంట్లు చేసాడు జగపతిబాబు.
పుష్ప 2 సినిమాలో తన పాత్ర అద్భుతంగా ఉంటుందనీ, ఛాలెంజింగ్ రోల్ అని అన్నాడు.
Details
అల్లు అర్జున్ పాన్ ఇండియా స్టార్ గా మారడం ఆనందంగా ఉందన్న జగపతిబాబు
సుకుమార్ దర్శకత్వంలో ఆల్రెడీ రంగస్థలం చేసాననీ, ఈసారి మళ్ళీ పుష్ప 2లో చేయడం ఆనందాన్ని ఇస్తోందనీ, పుష్ప 2 అనేది ఛాలెంజింగ్ సినిమా అని అన్నాడు.
అదలా ఉంటే, అల్లు అర్జున్ గురించి మాట్లాడిన జగపతి బాబు, 20యేళ్ళ క్రితం ఒకసారి జిమ్ లో అల్లు అర్జున్ ని చూసానని, అప్పుడు గుర్తు పట్టలేకపోయానని, ఆ అబ్బాయి ఇప్పుడు పాన్ ఇండియా స్టార్ గా మారడం ఆనందంగా ఉందని అన్నాడు.
సుకుమార్ సినిమాల్లో విలన్లకు ఖతర్నాక్ క్యారెక్టరైజేషన్ ఉంటుంది. విలన్ గా కనిపించే జగపతి బాబు పాత్ర మరో రేంజ్ లో ఉంటే పుష్ప పాత్రలో అల్లు అర్జున్ వేరె లెవెల్ లో కనిపిస్తాడని అనుకుంటున్నారు.