Trimukha : 'త్రిముఖ' టీజర్ విడుదల.. పవర్‌ఫుల్ పోలీస్ పాత్రలో సన్నీ లియోన్
ఈ వార్తాకథనం ఏంటి
అఖిరా డ్రీమ్ క్రియేషన్స్ బ్యానర్‌పై డాక్టర్ శ్రీదేవి మద్దాలి, రమేష్ మద్దాలి నిర్మాణంలో బాలీవుడ్ స్టార్ సన్నీ లియోన్ ప్రధాన పాత్రలో రూపొందుతోన్న ప్యాన్ ఇండియా చిత్రం 'త్రిముఖ' ఆసక్తిని రేకెత్తిస్తోంది. రాజేష్ నాయుడు దర్శకత్వంలో రూపొందిన ఈ మూవీని భారీ బడ్జెట్‌తో హిందీ, తెలుగు, తమిళం, కన్నడ, మలయాళ భాషల్లో ఏకకాలంలో చిత్రీకరించారు. సినిమా కాన్సెప్ట్‌ను పరిచయం చేస్తూ అక్టోబర్ 18న టీజర్ విడుదల చేశారు. క్రైమ్ థ్రిల్లర్ జానర్‌లో రాబోయే ఈ మూవీ డిసెంబర్‌లో ప్రేక్షకుల ముందుకు రానుంది.
Details
డిసెంబర్ లో మూవీ రిలీజ్
టీజర్‌లో సన్నీ లియోన్ పవర్‌ఫుల్ పోలీస్ ఆఫీసర్ శివంగి పాత్రలో కనిపించారు. "ఓటమి ఎరుగని శివంగి.. కానీ ఎదురుగా యుద్ధం.. తాను ఎప్పుడైనా సిద్ధం.. ఇప్పుడు ఎదురైంది ఛేదించలేని పద్మవ్యూహం..తన చుట్టూ అలుముకుంది సందిగ్ధం.. కనుసైగతో సమస్యను గ్రహించే విషయపరిజ్ఞాని.. సమస్తమూ చదివిన జ్ఞాని..అహంకారాన్ని అదుపు చేసుకోలేని అజ్ఞాని" వంటి వర్ణనలతో టీజర్ ఆసక్తిని పెంచింది. యాక్షన్ సీక్వెన్స్‌లు, అద్భుతమైన విజువల్స్, థ్రిల్లింగ్ బ్యాక్‌గ్రౌండ్ మ్యూజిక్ టీజర్‌లో ప్రత్యేక ఆకర్షణగా నిలిచాయి. చిత్ర నిర్మాత డాక్టర్ శ్రీదేవి మద్దాలి మాట్లాడుతూ 'త్రిముఖ' టీజర్‌ను ఐదు భాషల్లో విడుదల చేయడం ఒక గొప్ప అనుభవం. ఐదు భాషల్లో రిలీజ్ చేయడం ఈ సినిమాపై ఉన్న నమ్మకానికి నిదర్శనమన్నారు. డిసెంబర్‌లో సినిమాను విడుదల చేయబోతున్నామని అన్నారు.