Naga Chaitanya: డిసెంబర్‌ 4న 'వృషకర్మ'.. నాగచైతన్య మూవీ కౌంట్‌డౌన్‌ షురూ!
ఈ వార్తాకథనం ఏంటి
ఊహకందని ప్రపంచంలో సాగే సాహస యాత్రతో ప్రేక్షకులను అలరించేందుకు సిద్ధమవుతున్నారు అక్కినేని నాగచైతన్య. ఆయన కథానాయకుడిగా ఓ సరికొత్త సాహస గాథతో తెరకెక్కుతున్న చిత్రమే 'వృషకర్మ'. కార్తీక్‌ దండు ఈ సినిమాకు దర్శకత్వం వహిస్తున్నారు. బి.వి.ఎస్‌.ఎన్‌. ప్రసాద్‌, సుకుమార్‌.బి నిర్మాతలుగా వ్యవహరిస్తున్నారు. ఈ చిత్రాన్ని డిసెంబరు 4న ప్రేక్షకుల ముందుకు తీసుకురానున్నారు. సినిమా విడుదలకు సరిగ్గా 50 రోజులు మాత్రమే మిగిలి ఉండటంతో చిత్రబృందం కౌంట్‌డౌన్‌ను ప్రారంభించింది. ఈ సందర్భంగా ఓ ప్రత్యేకమైన పోస్టర్‌ను విడుదల చేసింది. సినిమా కథతో పాటు, ఇందులో నాగచైతన్య పోషిస్తున్న పాత్రను పరిచయం చేసేలా ఈ పోస్టర్‌ రూపొందించారు. దీంతో చిత్రంపై ఆసక్తి మరింత పెరుగుతోంది.
వివరాలు
విడుదలకు ఇక 50 రోజులే!
నాగచైతన్య కెరీర్‌లోనే అత్యధిక వ్యయంతో తెరకెక్కుతున్న చిత్రమిది. పాన్‌ ఇండియా స్థాయిలో భారీ హంగులతో రూపొందిస్తున్నారు.
సినిమాపై ఉన్న అంచనాలకు తగ్గట్టుగానే విడుదలకు ముందే ఈ చిత్రం వ్యాపార లావాదేవీలను పూర్తి చేసుకున్నట్లు సమాచారం.
పురాణాల నేపథ్యంతో పాటు రహస్యాలు, ఉత్కంఠభరితమైన అంశాలను మేళవించి ఈ చిత్రాన్ని తెరకెక్కిస్తున్నారు.
ఇందులో నాగచైతన్యకు జోడీగా మీనాక్షి చౌదరి కథానాయికగా నటిస్తున్నారు. స్పర్ష్‌ శ్రీవాస్తవ కీలక పాత్రలో కనిపించనున్నారు.
ప్రస్తుతం ఈ సినిమా నిర్మాణానంతర కార్యక్రమాలు తుదిదశకు చేరుకున్నాయి. త్వరలోనే ప్రచార కార్యక్రమాలను ప్రారంభించేందుకు చిత్రబృందం సిద్ధమవుతోంది.
విడుదలకు ఇంకా 50 రోజుల సమయం మాత్రమే ఉండటంతో 'వృషకర్మ'పై ప్రేక్షకుల్లో ఆసక్తి నెలకొంది.