Bapatla: బాపట్ల కేంద్రీయ విద్యాలయంలో విష వాయువులు లీక్.. 24 మంది విద్యార్థులకు అస్వస్థత
బాపట్ల కేంద్రీయ విద్యాలయంలో శనివారం ప్రమాదకర ఘటన చోటు చేసుకుంది. సైన్స్ ల్యాబ్‌లో ప్రమాదవశాత్తు విష వాయువులు లీక్ కావడంతో విద్యార్థులు అస్వస్థతకు గురయ్యారు. ఈ ఘటన వల్ల ల్యాబ్‌లో ఉన్న విద్యార్థులకు ఊపిరి ఆడకపోవడంతో పలువురు ల్యాబ్ నుంచి బయటికి పరుగులు పెట్టారు. ఆస్వస్థతకు గురైన విద్యార్థులను ఉపాధ్యాయులు బాపట్ల ప్రభుత్వాస్పత్రికి తరలించారు. ఈ ఘటన వల్ల 24 మంది విద్యార్థులు అస్వస్థతకు గురైనట్లు సమాచారం. ఈ ప్రమాదానికి గల వివరాలు ఇంకా తెలియరాలేదు. ఈ ఘటనపై ప్రస్తుతం పోలీసులు దర్యాప్తు చేస్తున్నారు.
