Bird flu in India భారతదేశంలో బర్డ్ ఫ్లూ కేసు..నిర్దారించిన ప్రపంచ ఆరోగ్య సంస్థ .. 2019 నుండి 2వ కేసు
భారత్‌లో రెండో బర్డ్ ఫ్లూ కేసు వెలుగులోకి వచ్చింది. ఈ వార్తలు ఆందోళన కలిగిస్తున్నాయి. పశ్చిమ బెంగాల్‌కు చెందిన నాలుగేళ్ల చిన్నారి హెచ్9ఎన్2 బర్డ్ ప్లూ వైరస్ బారిన పడినట్లు ప్రపంచఆరోగ్య సంస్థ మంగళవారం ధ్రువీకరించింది. భారత్ లో తొలి బర్డ్ ఫ్లూ కేసు 2019లో వెలుగులోకి వచ్చింది. సుదీర్ఘకాలంగా ఊపిరితిత్తుల సంబంధిత సమస్యలతో బాధపడుతున్న చిన్నారిని జ్వరం, కడుపులో ఇబ్బంది తదితర సమస్యలతో ఫిబ్రవరిలో ఆసుపత్రిలో చేర్పించారు. పలు చికిత్సల అనంతరం చిన్నారిని మూడు నెలల తరువాత డిశ్చార్జ్ చేసినట్టు డబ్ల్యూహెచ్ఓ పేర్కొంది. కరోనా పీడ వదిలిందనుకుంటున్న తరుణంలోబర్డ్ ఫ్లూ కేసులు వెలుగులోకి రావడం కలకలకలం రేపింది. దీనిని ఇంకా కేంద్ర ఆరోగ్య శాఖ ఖరారు చేయలేదు.
కోళ్ల పెంపకం కారణమా?
బాలుడి ఇంటి పరిసరాల్లో కోళ్లు ఎక్కువగా ఉండేవని డబ్ల్యూహెచ్ఓ పేర్కొంది. అయితే, అతడి కుటుంబం, బంధువుల్లో మరెవరికీ ఈ వ్యాధి సంబంధిత లక్షణాలు లేవని వెల్లడించింది. అయితే, అతడు టీకాలు వేసుకున్నాడా? లేదా? ఆసుపత్రిలో ఏ యాంటీ వైరల్ ట్రీట్‌మెంట్ ఇచ్చారనే వివరాలు ప్రస్తుతానికి అందుబాటులో లేవని పేర్కొంది. హెచ్9ఎన్2 వైరస్‌తో వ్యాధి లక్షణాల తీవ్రత ఓ మోస్తరుగా ఉంటుందని డబ్ల్యూహెచ్ఓ పేర్కొంది. అయితే, అధికంగా వ్యాప్తిలో ఉన్న వేరియంట్లలో ఇదీ ఒకటని వెల్లడించింది. అయితే, దీనిపై కేంద్ర ఆరోగ్య శాఖ ఇంకా స్పందించాల్సి ఉంది
