లావుగా ఉండేవాళ్ళు సన్నగా కనిపించడానికి ఎలాంటి బట్టలు వేసుకోవాలో తెలుసుకోండి
ఈ వార్తాకథనం ఏంటి
మీరు లావుగా ఉన్నారా? మీకు బట్టలు సెలెక్ట్ చేసుకోవడం ఇబ్బందిగా ఉందా? మీరు సెలెక్ట్ చేసుకున్న బట్టల్లో ఇంకా లావుగా కనిపిస్తున్నారా? ఇలాంటప్పుడే కొన్ని చిట్కాలు అవసరమవుతాయి.
లావుగా ఉండే మగవాళ్ళు సన్నగా కనిపించడానికి ఎలాంటి బట్టలు వేసుకోవాలో చూద్దాం.
అడ్డగీతలు ఉండే బట్టలు వేసుకోకూడదు
షర్ట్ మీద అడ్డగీతలు ఉన్న వాటిని వేసుకోవడం వల్ల మీరు లావుగా, పొట్టిగా కనిపిస్తారు. అందువల్ల ఎప్పుడైనా సరే నిలువవు గీతలున్న షర్ట్స్ మాత్రమే వేసుకోవడానికి ట్రై చేయండి.
చర్మానికి అతుక్కుపోయేలా ఉండే బట్టలు లేదా వదులుగా ఉండే బట్టలు మీరు వేసుకోకూడదు. మీకు సరిగ్గా సరిపోయే బట్టలు మాత్రమే సెలెక్ట్ చేసుకోండి. షాపింగ్ కి వెళ్లేటప్పుడు ఈ విషయం మాత్రం మర్చిపోవద్దు.
ఫ్యాషన్
లావుగా కనిపించకుండా ఉండడానికి ధరించాల్సిన బట్టలు
వి నెక్ కాలర్ టీ షర్టులు మాత్రమే ధరించండి. రౌండ్ కాలర్ టీ షర్టులు వేసుకోవడం వల్ల మీ మొహం ఉబ్బినట్టుగా అనిపిస్తుంది. వి నెక్ రకం టీ షర్టుల వల్ల మీ మెడ భాగం కనిపిస్తుందనుకుంటే గడ్డం పెంచేసి కవర్ చేయండి.
ఇక ప్యాంటుల విషయానికి వస్తే, కాలికి అతుక్కుపోయేలా ఉండే ప్యాంటుల వైపు వెళ్లకూడదు. పెన్సిల్ కట్ లాంటి ప్యాంట్లు చూడడానికి బాగానే ఉన్నా కూడా కొంచెం లావుగా ఉన్న వాళ్లకి సెట్ కావు. సో వాటి గురించి ఆలోచించడం మానేసి స్ట్రెయిట్ ఫిట్ ప్యాంట్ల వైపు చూడండి.
ఇంట్లో ఉన్నప్పుడు షార్ట్స్ వేసుకునే అలవాటు మీకుంటే మీరు వేసుకునే షార్ట్స్.. మోకాలి భాగం దాటి కిందికి వెళ్లకుండా చూసుకోండి.