వైరల్ వీడియో: రోడ్డుకు అడ్డంగా నిల్చుని టోల్ ట్యాక్స్ వసూల్ చేస్తున్న ఏనుగు
ఈ వార్తాకథనం ఏంటి
రోడ్ల మధ్యలోకి అప్పుడప్పుడు అడవి జంతువులు వస్తుంటాయి. సాధారణంగా అలా జంతువులు వచ్చినపుడు జనాలకు భయమేస్తుంటుంది. కానీ ప్రస్తుతం ఇంటర్నెట్ లో వైరల్ అవుతున్న వీడియో చూస్తుంటే, అలాంటి భయమేమీ జనాల్లో కనిపించట్లేదు.
ఒక పెద్ద ఏనుగు, రోడ్డుకు అడ్డంగా నిల్చుని పెద్ద పెద్ద ట్రక్కులను ఆపుతోంది. ఎందుకని ఆలోచిస్తున్నారా? టోల్ ట్యాక్స్ వసూల్ చేయడం కోసం.
అంటే, చెరుకు మోసుకుని వెళ్తున్న పెద్ద పెద్ద ట్రక్కులను అడ్డంగా వెళ్తున్న ఏనుగు, ట్రక్కులోంచి కొద్దిపాటి చెరుకును తీసుకుని దారి నుండి తప్పుకుంటుంది.
ఇలా వరుసగా ట్రక్కులు వచ్చినప్పుడల్లా కావాల్సిన చెరుకు తీసుకుని టక్కులకు దారినిస్తూ కనిపిస్తుంది. ఆ ట్రక్ డ్రైవర్లు కూడా ఏనుగు కనిపించగానే ఆపేసి, అది చెరుకు తీసుకోగానే బండిని పోనిస్తున్నారు.
వైరల్ వీడియో
టోల్ ట్యాక్స్ కలెక్టర్ అని పేరు పెట్టిన నెటిజన్
ఈ వీడియోను డాక్టర్ అజయిత, ట్విట్టర్ లో షేర్ చేసారు. టోల్ ట్యాక్స్ కలెక్టర్ అంటూ క్యాప్షన్ ఇవ్వడంతో అందరూ ఆసక్తిగా చూస్తున్నారు. దాంతో వైరల్ అయిపోయింది.
ఇది ఏ ప్రాంతంలో జరిగిందనేది క్లారిటీ లేదు కానీ, ఆ రోడ్డు గుండా రెగ్యులర్ గా ఏనుగులు దాటుతాయని, ఆ వీడియోలో కనిపిస్తున్న ఏనుగులు రోడ్డు దాటుతున్నాయి జాగ్రత్త అనే బోర్డ్ ద్వారా అర్థమవుతోంది.
ఈ వీడియో నెటిజన్లు కామెంట్లు చేస్తూనే ఉన్నారు. టోల్ ట్యాక్స్ వసూల్ చేస్తుంది నిజమే గానీ, మరీ ఎక్కువ చెరుకు తీసుకోకుండా కావాల్సినంత మాత్రమే తీసుకుంటోంది.. నిజంగా గ్రేట్ అని ఒకరు కామెంట్ చేసారు.
ఈ వీడియోకు ఇప్పటివరకు 2లక్షలకు పైగా వ్యూస్ వచ్చాయి. 1000రీట్వీట్స్ దక్కాయి.
ట్విట్టర్ పోస్ట్ చేయండి
వైరల్ వీడియో: టోల్ ట్యాక్స్ వసూల్ చేస్తున్న ఏనుగు
The Toll Tax collector.... pic.twitter.com/gCg47mmJZm
— Dr. Ajayita (@DoctorAjayita) March 6, 2023