Serena - Alcaraz: సెమీఫైనల్కు స్వితోలినా, ఆండ్రీవా జోడీలు
ఈ వార్తాకథనం ఏంటి
యుఎస్ ఓపెన్లో ఎలీనా స్వితోలినా-గేల్ మోన్ఫిల్స్ దంపతుల జోరు కొనసాగుతోంది. మిక్స్డ్ డబుల్స్లో ఈ జంట సెమీఫైనల్ బెర్త్ ఖరారు చేసుకుంది. బుధవారం జరిగిన క్వార్టర్ఫైనల్లో స్వితోలినా-మోన్ఫిల్స్ ద్వయం 5-4, 4-5, 10-8 తేడాతో కేథరినా సినియాకోవా-హెన్రీ ప్యాటెన్ జంటను ఓడించింది. ఇరు జట్లు చెరో సెట్ గెలుచుకోవడంతో విజేతను నిర్ణయించేందుకు మ్యాచ్ టైబ్రేక్కు వెళ్లింది. అందులో స్వితోలినా-మోన్ఫిల్స్ జంట పైచేయి సాధించింది. సెమీఫైనల్లో బెలిండా బెన్సిచ్-ఫ్లావియో కొబొలి జోడీతో ఈ దంపతులు తలపడనున్నారు.
వివరాలు
సెరెనా విలియమ్స్-కార్లోస్ అల్కరాస్ జంటకు చుక్కెదురు..
మరో క్వార్టర్ఫైనల్లో మిరా ఆండ్రీవా-ఆండ్రి రుబ్లెవ్ జంట కూడా టైబ్రేక్లోనే విజయాన్ని అందుకుంది.
డయానా ష్నైడర్-కాస్పర్ రూడ్ జోడీపై 4-1, 4-5, 10-5తో ఆండ్రీవా-రుబ్లెవ్ ద్వయం గెలుపొందింది.
సెమీఫైనల్లో కరోలినా ముచోవా-జాకబ్ మెన్సిక్ జంటను ఈ జోడీ ఎదుర్కోనుంది.
అయితే సెరెనా విలియమ్స్-కార్లోస్ అల్కరాస్ జంటకు క్వార్టర్ఫైనల్లోనే చుక్కెదురైంది. బెన్సిచ్-కొబొలి ద్వయం చేతిలో 4-5, 1-4తో ఓటమి పాలైంది.
వివరాలు
డబుల్స్లో విలియమ్స్ సిస్టర్స్..
యుఎస్ ఓపెన్ మహిళల డబుల్స్లో విలియమ్స్ సిస్టర్స్ మరోసారి కలిసి బరిలోకి దిగనున్నారు.
వీనస్ విలియమ్స్-సెరెనా విలియమ్స్ జోడీకి వైల్డ్కార్డు లభించింది.
గతంలో ఈ సోదరీమణుల జంట 1999, 2009 సంవత్సరాల్లో యుఎస్ ఓపెన్ డబుల్స్ టైటిళ్లను సొంతం చేసుకుంది.
యుఎస్ ఓపెన్ జరుగుతున్న ఆర్థర్ ఆష్ స్టేడియంలో టెన్నిస్ దిగ్గజం రోజర్ ఫెదరర్ సందడి చేశాడు.
స్విట్జర్లాండ్కు చెందిన ఈ మాజీ స్టార్ ఆండీ రాడిక్తో కలిసి ఓ స్నేహపూర్వక మ్యాచ్లో పాల్గొని అభిమానులను అలరించాడు.
ఒకే సెట్గా నిర్వహించిన సింగిల్స్ ఎగ్జిబిషన్ మ్యాచ్లో ఫెదరర్ 6-3తో రాడిక్ను ఓడించాడు.
ఇందులో ఫెదరర్-మెకన్రో జంట 7-5తో ఆండీ రాడిక్-ఆండ్రీ అగాసి ద్వయంపై విజయం సాధించింది.