దక్షిణ కొరియాలో సెక్స్ బొమ్మల దిగుమతిపై నిషేధం ఎత్తివేత.. పిల్లల ఆకారంలోని డాల్స్ పై మాత్రం..!!
ఈ వార్తాకథనం ఏంటి
ప్రజల నుంచి వచ్చిన విజ్ఞప్తి మేరకు దక్షిణ కొరియా ప్రభుత్వం కీలక నిర్ణయం తీసుకుంది. సెక్స్ బొమ్మల దిగుమతిపై నిషేధాన్ని ఎత్తివేస్తున్నట్లు ప్రకటించింది.
నిషేధాన్ని వ్యతిరేకిస్తూ.. ప్రభుత్వంపై ప్రజలు తీవ్ర స్థాయిలో విరుచుకుపడ్డారు. సెక్స్ డాల్స్ దిగుమతిని నిషేధించే చట్టం దక్షిణ కొరియాలో లేకపోయినా.. తమ వ్యక్తిగత జీవితాల్లో ప్రభుత్వం ఎందుకు జ్యోక్యం చేసుకుంటోందని విమర్శంచారు. దీంతో దిగొచ్చిన ప్రభుత్వం నిషేధాన్ని ఎత్తివేసింది.
ఇదిలా ఉంటే.. విమర్శలపై కస్టమ్స్ అధికారులు స్పందించారు. సెక్స్ డాల్స్ దిగుమతిని నిషేధించే చట్టం దేశంలో లేకపోయినా.. నైతిక బాధ్యతతోనే సెక్స్ బొమ్మలను అనుమతించలేదని చెప్పారు.
దక్షిణ కొరియా
స్వాగతించిన వ్యాపారులు
నిషేధం అమల్లో ఉన్న సమయంలో స్వాధీనం చేసుకున్న సెక్స్ డాల్స్‌ను తిరిగి దిగుమతిదారులకు అప్పజెప్పాలని ఈ సందర్భంగా అధికారులను దక్షిణ కొరియా ప్రభుత్వం ఆదేశించింది. అయితే పిల్లల ఆకారాల్లో ఉన్న సెక్స్ బొమ్మలపై మాత్రం నిషధం కొనసాగుతుందని చెప్పింది. అమెరికా, ఆస్ట్రేలియా, యూకే లాంటి దేశాలు కూడా పిల్లల ఆకారంలో ఉన్న సెక్స్ బొమ్మలను నిషేధించినట్లు ఈ సందర్భంగా గుర్తు చేసింది.
నిషేధాన్ని ఎత్తివేయడాన్ని.. సెక్స్ డాల్స్ వ్యాపారులు స్వాగతిస్తున్నారు. ఇది సహేతుకమైన నిర్ణయం అంటూ ప్రభుత్వాన్ని అభినందిస్తున్నారు. లైంగికంగా దూరమైన వ్యక్తులకు ఇది ఊరటనిస్తుందని అభిప్రాయపడుతున్నారు.
దక్షిణ కొరియా సంప్రదాయాలకు విరద్ధంగా భావించే.. సెక్స్ బొమ్మల నిషేధంపై కస్టమ్స్ అధికారులు, దిగుమతిదారుల మధ్య చాలా కాలంగా సుప్రీంకోర్టులో వివాదం నడుస్తోంది.