Aprilia SXR-GT: Aprilia SXR-GT స్కూటర్లు విడుదల.. 125cc, 175cc ఇంజిన్లతో అదిరే ఫీచర్లు
ఈ వార్తాకథనం ఏంటి
ఇటాలియన్ ప్రీమియం ద్విచక్ర వాహన తయారీ సంస్థ Aprilia భారత మార్కెట్ కోసం కొత్త SXR-GT స్కూటర్లను ఆవిష్కరించింది. పట్టణ ప్రయాణాలతో పాటు లాంగ్ రైడింగ్‌కు అనుకూలంగా కొత్త తరహా అర్బన్ టూరింగ్ అనుభూతిని అందించడమే లక్ష్యంగా వీటిని తీసుకొచ్చినట్లు కంపెనీ తెలిపింది. SXR-GT సిరీస్‌లో 125cc, 175cc అనే రెండు వేరియంట్లు అందుబాటులో ఉండనున్నాయి. అయితే వీటి ధరలను కంపెనీ ఇంకా వెల్లడించలేదు. పూర్తి స్పెసిఫికేషన్లు, ఫీచర్ల వివరాలను మాత్రం ప్రకటించింది.
వివరాలు
SXR-GT డిజైన్ ఎలా ఉందంటే..
కొత్త Aprilia SXR-GT డిజైన్ గతంలో భారత్‌లో కనిపించిన SXR 160ను పోలి ఉంటుంది.
కంపెనీకి ప్రత్యేకమైన డిజైన్‌ను ప్రతిబింబించే ట్రైపాడ్ LED హెడ్‌ల్యాంప్ సెటప్ ఇందులో ఉంది.
అలాగే బాడీపై ఆకర్షణీయమైన గ్రాఫిక్స్, కొత్త కలర్ ఆప్షన్లు స్కూటర్‌కు మరింత స్పోర్టీ లుక్‌ను అందిస్తున్నాయి.
SXR-GT 125లో మ్యాట్ బ్లాక్, గ్లోసీ అజ్జురో, గ్లోసీ వైట్ రంగులు అందుబాటులో ఉంటాయి. SXR-GT 175లో మెటాలిక్ బ్లూ, మ్యాట్ బ్లాక్, మ్యాట్ గ్రీన్ కలర్ ఆప్షన్లు ఉన్నాయి.
వివరాలు
ఇంజిన్, పవర్ వివరాలు
Aprilia SXR-GT 125లో 125cc hp-e ఇంజిన్‌ను ఉపయోగించారు. ఇది 7,400 rpm వద్ద 10.46hp గరిష్ఠ పవర్‌ను, 6,200rpm వద్ద 10.4Nm గరిష్ఠ టార్క్‌ను ఉత్పత్తి చేస్తుంది.
ఇక SXR-GT 175లో 175cc ఇంజిన్ ఉంది.ఇది 7,200rpm వద్ద 13hp పవర్‌ను,6,000 rpm వద్ద 14.14 Nm టార్క్‌ను అందిస్తుంది. రెండు స్కూటర్లు E20 ఇంధనానికి అనుకూలంగా ఉంటాయి.
14 అంగుళాల వీల్స్, ABS
రెండు SXR-GT స్కూటర్లలోనూ 14అంగుళాల వీల్స్‌ను అందించారు.
బ్రేకింగ్ విషయానికి వస్తే ముందు భాగంలో 220మి.మీ. డిస్క్‌తో సింగిల్-ఛానల్ ABSను అమర్చారు.
వెనుక భాగంలో డ్రమ్ బ్రేక్‌ను ఇచ్చారు.దీంతో నగర ప్రయాణాల్లోనే కాకుండా సుదూర ప్రయాణాల్లోనూ స్థిరమైన రైడింగ్‌ను అందించేందుకు వీటిని రూపొందించినట్లు కంపెనీ పేర్కొంది.
వివరాలు
టెక్నాలజీ, కనెక్టివిటీ ఫీచర్లు
ఫీచర్ల విషయానికి వస్తే Aprilia SXR-GT సిరీస్‌లో 5 అంగుళాల TFT LCD ఇన్‌స్ట్రుమెంట్ క్లస్టర్ ఉంది.
Bluetooth కనెక్టివిటీ ద్వారా టర్న్-బై-టర్న్ నావిగేషన్ వంటి స్మార్ట్ ఫీచర్లు కూడా అందుబాటులో ఉన్నాయి.
అయితే ఈ కనెక్టివిటీ ఫీచర్లు పెద్ద వేరియంట్ అయిన SXR-GT 175కు మాత్రమే పరిమితం చేశారు. స్కూటర్ల ధరలను కంపెనీ ఇంకా ప్రకటించాల్సి ఉంది.