Ducati: ఈ డుకాటీ బైక్‌ ఖరీదు అక్షరాల 18.55 లక్షలు...ప్రత్యేకత ఏమంటే
ఈ వార్తాకథనం ఏంటి
Desmo450 EDXను సాధారణ రోడ్ల కంటే రాళ్లు, మట్టి దారులు, ఎగుడుదిగుడు ప్రాంతాల్లో ప్రయాణించేందుకు అనువుగా తీర్చిదిద్దారు. ఇందులో 8.5 లీటర్ల ఫ్యూయల్‌ ట్యాంక్‌ ఇచ్చారు. MX Factoryలో ఇది 7.2 లీటర్లుగా ఉంది. ఆఫ్‌రోడ్‌ ప్రయాణానికి సరిపోయే Pirelli Scorpion XC టైర్లను అమర్చారు. ఇంధనం లేకుండా బైక్‌ బరువు 107.1 కిలోలు. కఠినమైన మార్గాల్లోనూ నియంత్రణ కోల్పోకుండా ఉండేలా ఛాసిస్‌, Showa సస్పెన్షన్‌ను ప్రత్యేకంగా ట్యూన్‌ చేశారు.
Details
449.6 సీసీ ఇంజిన్‌.. 63.5 హెచ్‌పీ పవర్
ఈ బైక్‌లో 449.6 సీసీ సింగిల్‌ సిలిండర్‌ ఇంజిన్‌ ఉంటుంది. ఇది 9,400 ఆర్‌పీఎం వద్ద 63.5 హెచ్‌పీ పవర్, 7,500 ఆర్‌పీఎం వద్ద 53.5 ఎన్ఎం టార్క్‌ ఉత్పత్తి చేస్తుంది.
డుకాటీ ప్రత్యేకమైన Desmodromic వాల్వ్‌ వ్యవస్థ ఇందులో మరో ఆకర్షణ. కేవలం 4,200 ఆర్‌పీఎం వద్దే గరిష్ఠ టార్క్‌లో 70 శాతం అందుతుంది.
దీంతో మలుపులు, కఠినమైన మార్గాల్లో వేగంగా ముందుకు వెళ్లేందుకు అవసరమైన శక్తి లభిస్తుంది.
రైడింగ్‌ సమయంలో భద్రత, నియంత్రణ కోసం ట్రాక్షన్‌ కంట్రోల్‌, లాంచ్‌ కంట్రోల్‌, ఇంజిన్‌ బ్రేక్‌ కంట్రోల్‌, క్విక్‌షిఫ్టర్‌, ప్రత్యేక రైడింగ్‌ మోడ్‌లు ఉన్నాయి.
Details
MX Factory ధర రూ.21.26 లక్షలు
Desmo450 EDXతో పాటు డుకాటీ Desmo450 MX Factory మోడల్‌ను కూడా విడుదల చేసింది. దీని ధర రూ.21.26 లక్షలు. ఇది రేసింగ్‌ అవసరాలను దృష్టిలో పెట్టుకుని రూపొందించారు.
ఇంధనం లేకుండా 104 కిలోల బరువు ఉంటుంది. Akrapovic టైటానియం ఎగ్జాస్ట్‌, ప్రత్యేక ఇంజిన్‌ మ్యాపింగ్‌, హోల్‌షాట్‌ డివైస్‌ దీని ప్రత్యేకతలు.
49 మిల్లీమీటర్ల Showa ఫ్రంట్‌ ఫోర్క్‌, వెనుక మోనోషాక్‌ సస్పెన్షన్‌ ఉన్నాయి. 2026 Desmo450 MX మోడల్‌ రూ.17.24 లక్షల ధరతో కొనసాగుతోంది.
సరైన మోడల్‌ను ఎంచుకునే ముందు రైడర్లు తమ అవసరాలను పరిశీలించాలి. ఎండ్యూరో ప్రయాణమా, రేసింగ్‌ వినియోగమా అనే దాని ఆధారంగా నిర్ణయం తీసుకోవాలి.