Bank Of Baroda: బ్యాంక్ ఆఫ్ బరోడా కొత్త స్కీమ్..అధిక వడ్డీ రేట్లతో కొత్త ఫిక్స్‌డ్ డిపాజిట్ పథకం
ఈ వార్తాకథనం ఏంటి
బ్యాంక్ ఆఫ్ బరోడా ప్రభుత్వ రంగంలోని ప్రముఖ బ్యాంక్‌లలో ఒకటి. ఈ మధ్యనే బ్యాంక్ తన ఫిక్స్‌డ్ డిపాజిట్ వడ్డీ రేట్లను సవరించింది, కొన్ని ఎంపిక చేసిన డిపాజిట్లపై వడ్డీ రేట్లను పెంచడం లేదా తగ్గించడం చేసింది.
అలాగే, కస్టమర్ల కోసం ఒక కొత్త డిపాజిట్ ఆప్షన్‌ను ప్రారంభించింది. ఈ పథకాన్ని "బీఓబీ ఉత్సవ్ డిపాజిట్స్ స్కీమ్" పేరిట ప్రవేశపెట్టింది.
ఈ స్కీమ్‌లో కస్టమర్లకు మరింత అధిక వడ్డీ లభిస్తుంది. సాధారణ డిపాజిట్లతో పోలిస్తే సీనియర్ సిటిజెన్లకు 50 బేసిస్ పాయింట్లు ఎక్కువ వడ్డీ లభిస్తుంది,
అలాగే ఈ ప్రత్యేక పథకంలో కూడా మరింత అధిక వడ్డీ ఇవ్వబడుతుంది. అందుకే, ఈ పథకాల్లో ఇన్వెస్ట్ చేసేందుకు కస్టమర్లు ఎక్కువ ఆసక్తి చూపుతున్నారు.
వివరాలు
5 లక్షలపై 400 రోజుల్లో ఎంతొస్తుంది?
ప్రస్తుతం బ్యాంక్ ఆఫ్ బరోడా 400 రోజుల టెన్యూర్‌తో ఉత్సవ్ డిపాజిట్ స్కీమ్‌ను తీసుకొచ్చింది.
ఈ పథకం కింద 400 రోజుల టెన్యూర్‌కు సాధారణ కస్టమర్లకు 7.30% వడ్డీ రేటు, సీనియర్ సిటిజెన్లకు 7.80% వడ్డీ రేటు (అదనంగా 50 బేసిస్ పాయింట్లు), సూపర్ సీనియర్ సిటిజెన్లకు 7.90% వడ్డీ రేటు లభిస్తోంది.
అయితే, రూ. 5 లక్షలు డిపాజిట్ చేస్తే,400 రోజుల టెన్యూర్‌కు ఎవరికి ఎంత రాబడి వస్తుందో చూద్దాం.
సాధారణ కస్టమర్లకు 7.30% వడ్డీ రేటుతో,రూ. 40,079 వడ్డీ లభిస్తుంది,మొత్తం రూ. 5,40,079 అందుతుంది.
అదే సీనియర్ సిటిజెన్లకు 7.80% వడ్డీ రేటుతో రూ.42,820 వడ్డీ వస్తుంది.సూపర్ సీనియర్ సిటిజెన్లకు 7.90% వడ్డీ రేటుతో రూ. 43,376 వడ్డీ లభిస్తుంది.
వివరాలు
సాధారణ ప్రజలకు వడ్డీ రేట్లు
ఇప్పుడు, బ్యాంక్ ఇటీవల వడ్డీ రేట్లు సవరించిన నేపథ్యంలో, వివిధ టెన్యూర్‌ల డిపాజిట్లపై వడ్డీ రేట్లు ఎలా ఉన్నాయో చూద్దాం.
సాధారణ కస్టమర్లతో పోలిస్తే సీనియర్ సిటిజెన్లకు 50 బేసిస్ పాయింట్లు ఎక్కువ వడ్డీ లభిస్తుంది, సూపర్ సీనియర్ సిటిజెన్లకు వీరి కంటే 10 బేసిస్ పాయింట్లు అదనంగా వస్తుంది.
సాధారణ ప్రజలకు వడ్డీ రేట్లు ఇలా ఉన్నాయి:
7-14 రోజుల డిపాజిట్లపై వడ్డీ రేటు 4.25%
15-45 రోజులపై 4.50%
46-90 రోజులపై 5.50%
ఒక సంవత్సరానికి 6.85%
రెండు సంవత్సరాల వరకు 7%
రెండు నుండి మూడు సంవత్సరాల టెన్యూర్‌పై 7.15%