Canara Bank: కెనరా బ్యాంకు నాలుగో త్రైమాసిక లాభం తగ్గుదల.. వార్షిక లాభంలో 12.7 శాతం వృద్ధి
ఈ వార్తాకథనం ఏంటి
ప్రభుత్వ రంగానికి చెందిన కెనరా బ్యాంకు 2025-26 ఆర్థిక సంవత్సరం మార్చితో ముగిసిన నాలుగో త్రైమాసికంలో నికర లాభంలో తగ్గుదల నమోదు చేసింది. అయితే పూర్తి ఆర్థిక సంవత్సరానికి వస్తే బ్యాంకు లాభాలు రెండంకెల వృద్ధిని నమోదు చేయడం విశేషం. వాటాదారులకు ఒక్కో ఈక్విటీ షేరుపై రూ.4.20డివిడెండ్ చెల్లించేందుకు బ్యాంకు బోర్డు ఆమోదం తెలిపింది. నాలుగో త్రైమాసిక లాభం తగ్గుదల జనవరి-మార్చి త్రైమాసికంలో కెనరా బ్యాంకు స్టాండలోన్ నికర లాభం రూ.4,506కోట్లుగా నమోదైంది. గత ఏడాది ఇదే కాలంలో నమోదైన రూ.5,002.66కోట్లతో పోలిస్తే ఇది దాదాపు 10శాతం తగ్గుదల. ఈ త్రైమాసికంలో బ్యాంకు మొత్తం ఆదాయం కూడా స్వల్పంగా పడిపోయింది. గత ఏడాది రూ.37,353కోట్లుగా ఉన్న మొత్తం ఆదాయం,ఈసారి రూ.36,662 కోట్లకు తగ్గింది.
వివరాలు
వార్షిక లాభాల్లో వృద్ధి
అయితే నికర వడ్డీ ఆదాయం మాత్రం వృద్ధిని నమోదు చేసింది. గత ఏడాది రూ.9,442 కోట్లుగా ఉన్న నికర వడ్డీ ఆదాయం, ఈసారి దాదాపు 4 శాతం పెరిగి రూ.9,808 కోట్లకు చేరుకుంది. 2025-26 పూర్తి ఆర్థిక సంవత్సరానికి కెనరా బ్యాంకు నికర లాభం 12.7 శాతం పెరిగి రూ.19,187 కోట్లకు చేరుకుంది. బ్యాంకు మొత్తం ఆదాయం కూడా గణనీయంగా పెరిగింది. 2024-25 ఆర్థిక సంవత్సరంలో రూ.1,42,208 కోట్లుగా ఉన్న మొత్తం ఆదాయం, 2025-26లో రూ.1,53,204 కోట్లకు పెరిగింది. మెరుగైన ఆస్తుల నాణ్యత బ్యాంకు ఆస్తుల నాణ్యతలో స్పష్టమైన మెరుగుదల కనిపించింది. 2026 మార్చి చివరి నాటికి స్థూల మొండి బకాయిలు 2.94 శాతం నుంచి 1.84 శాతానికి తగ్గాయి.
వివరాలు
వ్యాపార విస్తరణ
విలువ పరంగా చూస్తే ఇవి రూ.31,530 కోట్ల నుంచి రూ.22,740 కోట్లకు తగ్గుముఖం పట్టాయి. నికర మొండి బకాయిలు కూడా 0.70 శాతం నుంచి 0.43 శాతానికి తగ్గాయి. మొత్తం పరంగా ఇవి రూ.7,353 కోట్ల నుంచి రూ.5,209 కోట్లకు తగ్గడం గమనార్హం. బ్యాంకు మొత్తం వ్యాపారం 12.11 శాతం వృద్ధితో రూ.28,06,226 కోట్లకు చేరుకుంది. ఇందులో డిపాజిట్లు 9.71 శాతం పెరిగి రూ.15,68,678 కోట్లుగా నమోదయ్యాయి. రుణాల పంపిణీ 15.30 శాతం వృద్ధితో రూ.12,37,548 కోట్లకు చేరుకుంది.
వివరాలు
వాటాదారులకు డివిడెండ్
2025-26 ఆర్థిక సంవత్సరానికి గాను ఒక్కో ఈక్విటీ షేరుపై రూ.4.20 చొప్పున, అంటే 210 శాతం డివిడెండ్ చెల్లించాలని బ్యాంకు బోర్డు నిర్ణయించింది. సవాళ్ల మధ్య ముందడుగు భౌగోళిక రాజకీయ ఉద్రిక్తతల ప్రభావంతో మార్కెట్లు భారీ ఒత్తిడిని ఎదుర్కొన్నాయని కెనరా బ్యాంకు మేనేజింగ్ డైరెక్టర్, సీఈఓ హర్దీప్ సింగ్ అహ్లూవాలియా(Hardeep Singh Ahluwalia) తెలిపారు. మార్కెట్ సూచీలు దాదాపు 4,000 పాయింట్లు సవరించుకున్నాయని, 10 ఏళ్ల ప్రభుత్వ బాండ్లపై వడ్డీ 6.59 శాతం నుంచి 7.05 శాతానికి పెరిగిందన్నారు.
వివరాలు
సవాళ్ల మధ్య ముందడుగు
దీంతో బ్యాంకుకు రూ.800 కోట్ల మేర మార్కెట్ విలువ ఆధారిత నష్టాలు వచ్చినట్లు వెల్లడించారు. అయితే పరిస్థితులు సాధారణ స్థితికి వస్తే ఈ నష్టాలు తిరిగి లాభాలుగా మారే అవకాశం ఉందని పేర్కొన్నారు. తాత్కాలిక ఒడిదొడుకులను పక్కన పెడితే బ్యాంకు పనితీరు, ఆస్తుల నాణ్యత బలంగా ఉన్నాయని ఆయన చెప్పారు. కార్పొరేట్ రుణాలపై మెరుగైన రాబడులు రావడంతో నికర వడ్డీ మార్జిన్ 9 బేసిస్ పాయింట్లు పెరిగిందని వివరించారు. ప్రస్తుత ఆర్థిక సంవత్సరంలో దేశవ్యాప్తంగా మరో 200 నుంచి 250 కొత్త శాఖలను ప్రారంభించాలని లక్ష్యంగా పెట్టుకున్నట్లు తెలిపారు.