Gold Rates: బంగారం,వెండి ధరలు భారీగా తగ్గాయి.. అక్టోబర్ 15 తాజా రేట్లు ఇవే..

వ్రాసిన వారు Sirish Praharaju

Oct 15, 2026

11:01 am

ఈ వార్తాకథనం ఏంటి

బంగారం,వెండి ధరలు భారీగా తగ్గాయి.. అక్టోబర్ 15న తెలుగు రాష్ట్రాలతో పాటు దేశంలోని ప్రధాన నగరాల్లో పసిడి ధరలు దిగివచ్చాయి. ముఖ్యంగా వెండి ధర కిలోకు ఒక్కరోజులోనే రూ.5,000 తగ్గడం కొనుగోలుదారులకు ఊరటనిస్తోంది. దసరా, దీపావళి పండుగల నేపథ్యంలో బంగారం, వెండి కొనాలనుకునేవారు తాజా ధరలను పరిశీలిస్తున్నారు. బంగారం ధరలు: హైదరాబాద్‌లో ఎంతంటే? హైదరాబాద్ బులియన్ మార్కెట్లో 24 క్యారెట్ల బంగారం ధర 10 గ్రాములకు రూ.1,47,440గా నమోదైంది. గురువారం ఒక్కరోజే ఈ ధర రూ.820 తగ్గింది. ఇక 22 క్యారెట్ల బంగారం ధర 10 గ్రాములకు రూ.1,35,150కి చేరింది. గత ధరతో పోలిస్తే రూ.750 తగ్గింది. విజయవాడ, విశాఖపట్నంలోనూ ఇవే ధరలు కొనసాగుతున్నాయి.

వివరాలు

ఢిల్లీలోనూ దిగివచ్చిన పసిడి ధరలు

దేశ రాజధాని ఢిల్లీలో 24 క్యారెట్ల బంగారం ధర 10 గ్రాములకు రూ.1,47,590గా ఉంది.

ఒక్కరోజులోనే రూ.820 తగ్గింది. 22 క్యారెట్ల బంగారం ధర రూ.1,35,300గా నమోదైంది. ఈ ధర కూడా రూ.750 దిగివచ్చింది.

చెన్నైలో 24 క్యారెట్ల బంగారం ధర రూ.1,47,440గా ఉండగా, 22 క్యారెట్ల బంగారం ధర రూ.1,35,150గా కొనసాగుతోంది.

బెంగళూరులోనూ ఇవే ధరలు

బెంగళూరు మార్కెట్లో 24 క్యారెట్ల బంగారం ధర 10 గ్రాములకు రూ.1,47,440గా ఉంది. 22 క్యారెట్ల బంగారం ధర రూ.1,35,150 వద్ద కొనసాగుతోంది.

బంగారం ధరలు తగ్గుతుండటంతో పండుగల సందర్భంగా ఆభరణాలు కొనుగోలు చేయాలనుకునేవారు తాజా రేట్లపై దృష్టి సారిస్తున్నారు.

వివరాలు

వెండి ధర కిలోపై రూ.5,000 తగ్గుదల

బంగారంతో పాటు వెండి ధరలు కూడా భారీగా తగ్గాయి.బెంగళూరులో కిలో వెండి ధర ప్రస్తుతం రూ.2.30 లక్షలుగా ఉంది.

అంతకుముందు రోజు రూ.2.35 లక్షలుగా ఉండటంతో ఒక్కరోజులోనే రూ.5,000 తగ్గినట్లయింది.

దేశ రాజధాని ఢిల్లీలో కిలో వెండి ధర రూ.2.30 లక్షలుగా నమోదైంది. హైదరాబాద్‌లోనూ వెండి ధర కిలోకు రూ.5,000 తగ్గింది.

అంతకుముందు రోజు రూ.2.45 లక్షలుగా ఉన్న ధర గురువారం రూ.2.40 లక్షలకు దిగివచ్చింది.

చెన్నైలో కిలో వెండి ధర రూ.2.40 లక్షలుగా కొనసాగుతోంది. దసరా, దీపావళి పండుగల వేళ బంగారం, వెండి ధరలు తగ్గడం కొనుగోలుదారులకు ఊరటనిస్తోంది.

అయితే నగలు కొనుగోలు చేసేటప్పుడు స్థానిక మార్కెట్ ధరలతో పాటు తరుగు, తయారీ ఛార్జీలు, ఇతర పన్నులను కూడా పరిగణనలోకి తీసుకోవాలి.