Mohan Babu : 50 ఇయర్స్ ఆఫ్ మోహన్ బాబు.. టాలీవుడ్ లెజెండ్‌కు ఘన సత్కారం
ఈ వార్తాకథనం ఏంటి
తెలుగు సినీ ప్రపంచంపై చెరగని ముద్ర వేసిన బహుముఖ నట సమ్రాట్ 'మోహన్ బాబు' ప్రత్యేకమైన స్థానం సంపాదించుకున్నారు. హీరోగా రంగప్రవేశం చేసి, విలన్‌గా తనదైన పదునును చూపి, క్యారెక్టర్ ఆర్టిస్ట్‌గా మెరిసి, మళ్లీ హీరోగా రీఎంట్రీ ఇచ్చి ప్రజలను అలరించిన మోహన్ బాబు లాంటి సినీ ప్రయాణం ప్రపంచ సినిమా చరిత్రలో కూడా అరుదేనని చెప్పాలి. నటుడిగా, నిర్మాతగా, విద్యా రంగ సేవల్లోనూ కొత్త మైలురాళ్లు నెలకొల్పుతూ ఆయన ఈ ఏడాది తన సినీ ప్రస్థానంలో '50 సంవత్సరాలు' పూర్తి చేసుకున్నారు. ఈ అరుదైన సందర్భాన్ని పురస్కరించుకుని, నవంబర్ 22న 'MB50 - A Pearl White Tribute' పేరుతో ఒక గ్రాండ్ సెలబ్రేషన్‌ను ఏర్పాటు చేశారు.
Details
స్వయంగా పర్యవేక్షిస్తున్న మంచు విష్ణు
ఈ భారీ వేడుకను ఆయన పెద్ద కుమారుడు 'మంచు విష్ణు' స్వయంగా పర్యవేక్షిస్తున్నాడు. మోహన్ బాబు చేసిన సినీ ప్రయాణం, తెరపై చూపించిన నటన, ఇండస్ట్రీ అభివృద్ధికి అందించిన సేవలు—ఇన్నింటినీ ఒకే వేదికపై గుర్తు చేసుకునేలా ఈ కార్యక్రమాన్ని ప్రత్యేకంగా డిజైన్ చేశారు. తన కెరీర్ మొత్తం మీద 600కి పైగా చిత్రాల్లో నటించిన మోహన్ బాబు, తన ప్రత్యేకమైన డైలాగ్ డెలివరీ, క్రమశిక్షణ, పవర్‌ఫుల్ స్క్రీన్ ప్రెజెన్స్‌తో తరతరాలకు అభిమానుల్ని ఆకట్టుకున్నారు. ఆయన చెప్పిన డైలాగ్‌లు, పోషించిన పాత్రలు ఇప్పటికీ ఫ్యాన్స్‌కు, కొత్త నటులకు ప్రేరణగా నిలుస్తూనే ఉన్నాయి. MB50 సంబరాలు కేవలం సినిమాలకే పరిమితం కాదు.
Details
వేదిక వివరాలు త్వరలోనే వెల్లడి
మోహన్ బాబు స్థాపించిన విద్యా సంస్థలు, ఆయన దాతృత్వ కార్యక్రమాలు, సమాజానికి అందించిన సేవలు కూడా ఈ 50 ఏళ్ల ప్రయాణంలో ముఖ్యమైన అధ్యాయాలు. ఎలాంటి ఫిల్మ్ బ్యాక్‌గ్రౌండ్ లేకుండా ఒంటరిగా ఇండస్ట్రీలో అడుగు పెట్టి, క్రమశిక్షణ, కష్టసాధ్యంతో ఒక భారీ సామ్రాజ్యాన్ని నిర్మించుకున్న మోహన్ బాబు ప్రయాణం నిజంగా ప్రత్యేకమైంది. 'MB50 - A Pearl White Tribute' వేడుకకు సంబంధించి వేదిక, ప్రముఖ అతిథులు, ప్రత్యేక కార్యక్రమాల వివరాలు త్వరలో బయటకు వచ్చే అవకాశం ఉంది. ఏదేమైనా, నేటి ఈ సెలబ్రేషన్ తెలుగు సినీ చరిత్రలో ఒక 'చారిత్రాత్మక క్షణం' కానుందనడంలో సందేహం లేదు.