మహేష్ బాబు 28వ సినిమా తప్పుకుంటే రవితేజ సినిమాకు లాభం?
ఈ వార్తాకథనం ఏంటి
త్రివిక్రమ్ దర్శకత్వంలో మహేష్ బాబు 28వ సినిమా రూపుదిద్దుకుంటుంది. పూజా హెగ్డే హీరోయిన్ గా కనిపిస్తున్న ఈ చిత్ర షూటింగ్ హైదరాబాద్ లోని సారథి స్టూడియోలో జరుగుతుందని వార్తలు వచ్చాయి.
నిజానికి ఈ సినిమా షూటింగ్ సగానికి పైగా అయిపోవాల్సింది. కానీ త్రివిక్రమ్ రాసుకున్న కథకు మహేష్ కొన్ని మార్పులు సూచించాడని, అదీగాక ఫైట్ మాస్టర్ లను మార్చేశారని, అందువల్లే సినిమా షూటింగ్ ఆలస్యంగా మొదలైందని వినిపించింది.
షూటింగ్ ఆలస్యంగా మొదలు కావడం వల్ల దాని ప్రభావం రిలీజ్ మీద కూడా పడనుందని తెలుస్తోంది. ఒకవేళ మహేష్ బాబు 28వ సినిమా అనుకున్నట్లుగా ఆగస్టు 11వ తేదీన రిలీజ్ కాకపోతే మాస్ మహారాజు రవితేజకు ప్లస్ అయ్యే ఛాన్స్ పుష్కలంగా కనిపిస్తోంది
రవితేజ
టైగర్ నాగేశ్వర రావుతో వస్తున్న రవితేజ
మహేష్ బాబు సినిమా లేట్ అయితే రవితేజకు సోలో రిలీజ్ దొరికే అవకాశం ఉంది. రవితేజ ప్రస్తుతం టైగర్ నాగేశ్వరరావు టైటిల్ తో పాన్ ఇండియా రేంజ్ లో వస్తున్నాడు.
ఈ సినిమాను ఆగస్టు 11వ తేదీ రిలీజ్ చేయాలని ప్లాన్ చేస్తున్నారు. షూటింగ్ కూడా చాలా వేగంగా జరుగుతున్నట్లు సమాచారం. రవితేజ కెరీర్లో ఇది మొట్టమొదటి పాన్ ఇండియా చిత్రం.
రెండు పెద్ద చిత్రాలు ఒకేరోజున రిలీజైతే బాక్సాఫీసు కలెక్షన్ల మీద ప్రభావం పడుతుంది. ఐతే మహేష్ 28వ మూవీ వాయిదా పడే అవకాశం ఉందని అంటున్నారు.
మరి మహేష్ బాబు సినిమా, దసరాకి లేదా సంక్రాంతికి వాయిదా పడి టైగర్ నాగేశ్వరరావుకు కలిసి వచ్చేలా చేస్తుందా అనేది చూడాలి.