భగవంత్ కేసరి నుండి మాస్ పోస్టర్ రిలీజ్: అభిమానులకు పండగే
వీరసింహారెడ్డి తర్వాత అనిల్ రావిపుడి దర్శకత్వంలో భగవంత్ కేసరి సినిమా చేస్తున్నారు బాలయ్య. ఈ సినిమా నుండి చిన్నపాటి గ్లింప్స్ విడుదలై అందరినీ ఆకట్టుకుంది. తాజాగా ఈ సినిమా నుండి మరో పోస్టర్ ను వదిలారు. దసరా సందర్భంగా అక్టోబర్ 19వ తేదీన సినిమా రిలీజ్ అవుతున్న నేపథ్యంలో కౌంట్ డౌన్ ని మొదలెడుతూ ఇంకా 70రోజులే ఉందంటూ పోస్టర్ ని వదిలారు. ఈ పోస్టర్ లో చేతిలో గొడ్డలి లాంటిది పట్టుకుని ఉగ్రరూపంలో బాలయ్య కనిపిస్తున్నారు. కాజల్ అగర్వాల్ హీరోయిన్ గా కనిపిస్తున్న ఈ సినిమాలో శ్రీలీల ప్రధాన పాత్రలో బాలయ్య కూతురుగా కనిపించనుంది. థమన్ సంగీతం అందిస్తున్నాడు.
