ఆదిపురుష్ సెకండ్ ట్రైలర్: రిలీజ్ అయ్యేది ఆరోజే?
ఈ వార్తాకథనం ఏంటి
ఇప్పుడు దేశమంతా ఒకే ఒక్క సినిమా కోసం ఎదురుచూస్తోంది. అదే ఆదిపురుష్. ప్రభాస్ రాముడిగా, సీతగా క్రితిసనన్ నటిస్తున్న ఈ చిత్రాన్ని బాలీవుడ్ దర్శకుడు ఓం రౌత్ తెరకెక్కించారు.
ఆల్రెడీ రిలీజైన ట్రైలర్, జనాల్లో మంచి రెస్పాన్స్ తెచ్చుకుంది. దాంతో సినిమా మీద అంచనాలు పెరిగిపోయాయి. సినిమా రిలీజ్ కి కొద్ది రోజుల సమయమే ఉంది కాబట్టి ప్రచార కార్యక్రమాలు త్వరగా మొదలుకానున్నాయి.
ఆదిపురుష్ ట్రైలర్ ద్వారా వచ్చిన రెస్పాన్స్ ని మరింత పెంచడానికి సెకండ్ ట్రైలర్ ని రీలీజ్ చేయాలని చిత్రబృందం అనుకుంటున్నట్లు వినిపిస్తోంది.
సెకండ్ ట్రైలర్ లో యాక్షన్ సీక్వెన్సెస్ ని ఎక్కువ చూపించాలని అనుకుంటున్నారట. ఈ ట్రైలర్ ఎప్పుడో రిలీజ్ అవుతుందో చెప్పేస్తూ సోషల్ మీడియాలో వార్తలు వస్తున్నాయి.
Details
జూన్ 6వ తేదీన ఆదిపురుష్ ట్రైలర్
జూన్ 6వ తేదీన ఆదిపురుష్ ప్రీ రిలీజ్ ఈవెంట్ జరగనుందనీ, అదే రోజున ఆదిపురుష్ సెక్ండ్ ట్రైలర్ విడుదలయ్యే అవకాశం ఉందని అంటున్నారు. మరి ఈ విషయమై మరింత క్లారిటీ రావాల్సి ఉంది.
ఇటు అభిమానులకైతే ఆదిపురుష్ నుండి మరింత ప్రమోషనల్ కంటెంట్ రిలీజ్ అవ్వాలని ఉంది. మరేం జరుగుతుందో చూడాలి.
జూన్ 16న విడుదలవుతున్న ఆదిపురుష్ చిత్రాన్ని టీ సిరీస్, రెట్రో ఫైల్స్ బ్యానర్లు సంయుక్తంగా నిర్మించాయి. భూషణ్ కుమార్, క్రిషన్ కుమార్, ప్రసాద్ సుతార్, ఓం రౌత్, రాజేష్ నాయర్ నిర్మాతలుగా ఉన్నారు.