ఎన్టీఆర్ సరసన బాలీవుడ్ భామ.. త్వరలోనే ప్రకటన
ఈ వార్తాకథనం ఏంటి
ఎన్టీఆర్30 సినిమా నుండి ఎప్పుడెప్పుడు అప్డేట్ వస్తుందా అని అభిమానులు అందరూ ఆశగా ఎదురుచూసారు. రిలీజ్ డేట్ ప్రకటనతో ఆ ఆశ కొంత తీరినప్పటికీ, హీరోయిన్ ఎవరనే విషయం మీద అంతా ఆసక్తిగా ఉన్నారు.
ఆర్ఆర్ఆర్ తర్వాత ఎన్టీఆర్ చేస్తున్న సినిమా కాబటి, ఈ సినిమా విషయంలో అన్ని జాగ్రత్తలు తీసుకుంటున్నాడు దర్శకుడు కొరటాల శివ. విభిన్నమైన కథతో, భారీ ఎమోషన్స్ తో కథను తయారు చేసానని ఇంతకుముందే చెప్పాడు.
సినిమా అనౌన్స్ మెంట్ గ్లింప్స్ లో ఆ భారీతనం కనిపించింది కూడా. అందుకే సినిమా నుండి మరిన్ని అప్డేట్లు కావాలని అభిమానులు కోరుకుంటున్నారు. ప్రస్తుతం హీరోయిన్ ఎవరనేది ఒక కొలిక్కి వచ్చిందని సమాచారం.
ఎన్టీఆర్ సరసన బాలీవుడ్ బ్యూటీ నటించనున్నట్లు వినిపిస్తోంది.
ఎన్టీఆర్
హీరోయిన్ గా జాన్వీ కపూర్
అతిలోక సుందరి శ్రీదేవి కూతురు జాన్వీ కపూర్ హీరోయిన్ గా ఫిక్స్ అయ్యిందని చెప్పుకుంటున్నారు. మరికొద్ది రోజుల్లో ప్రకటన వెలువడుతుందని అనుకుంటున్నారు.
ఆల్ మోస్ట్ హీరోయిన్ కన్ఫామ్ అయ్యిందని, అనౌన్స్ చేయడం మాత్రమే మిగిలిందనే ప్రచారం జరుగుతోంది. ఇది నిజమో కాదో తెలియాలంటే సినిమా నుండి అధికారికంగా ప్రకటన వచ్చే వరకు వెయిట్ చేయాల్సిందే.
ఈ సినిమాకు సంగీతాన్ని అనిరుధ్ సమకూరుస్తున్నారు. యువసుధ ఆర్ట్స్ బ్యానర్ పై మిక్కిలినేని సుధాకర్ నిర్మిస్తున్న ఈ సినిమాకు నందమూరి కళ్యాణ్ రామ్ సమర్పకులుగా ఉన్నారు.
2024 ఏప్రిల్ 5వ తేదీన ఈ సినిమా ప్రపంచ వ్యాప్తంగా విడుదల కానుంది. మొత్తం తొమ్మిది భాషల్లో రిలీజ్ చేయడానికి ప్లాన్ జరుగుతుందని సమాచారం.