చంద్రయాన్-3: చరిత్ర సృష్టించిన భారత్: సెలబ్రిటీల శుభాకాంక్షలు
చంద్రయాన్-3 మిషన్ సక్సెస్ కావడంతో ఇస్రో శాస్త్రవేత్తలు సంబరాలు చేసుకున్నారు. చప్పట్లతో తన ఆనందాన్ని అందరితో పంచుకున్నారు. ప్రస్తుతం దేశవ్యాప్తంగా సంబరాలు మొదలయ్యాయి. ఈ ఘనత సాధించిన ఇస్రో శాస్త్రవేత్తలకు దేశవ్యాప్తంగా శుభాకాంక్షలు వెల్లువెత్తుతున్నాయి. రాజకీయ ప్రముఖులు, సినీ ప్రముఖులు సోషల్ మీడియా వేదికగా శుభాకాంక్షలు తెలియజేస్తున్నారు. మెగాస్టార్ చిరంజీవి, చంద్రయాన్-3 విజయవంతం కావడంతో తన ఆనందాన్ని ట్విట్టర్ వేదికగా పంచుకున్నారు. ఈరోజు చరిత్ర సృష్టించబడిందని చెబుతూ, చంద్రయాన్-3 శాస్త్రవేత్తలకు అభినందనలు తెలియజేసారు.
రామ్ చరణ్, రాజమౌళి ట్వీట్
మెగా హీరో వరుణ్ తేజ్ కూడా చంద్రయాన్-3 సక్సెస్ ని ట్విట్టర్ ద్వారా పంచుకున్నారు. ఇస్రో శాస్త్రవేత్తలు భారతదేశాన్ని గర్వించేలా చేసారని ఆయన అన్నారు. ఇక దర్శకధీరుడు రాజమౌళి, చంద్రయాన్-3 విజయం వల్ల గర్వంతో గుండె ఉప్పొంగిందనీ, ఆనంద భాష్పాలతో చెంపలు తడిసిపోయాయని ఎమోషనల్ ట్వీట్ చేసారు. హీరోయిన్ కాజల్ అగర్వాల్ కూడా తన ఆనందాన్ని సోషల్ మీడియాలో పంచుకున్నారు.
