NKR21' కళ్యాణ్ కు మంచి బ్రేక్ ఇవ్వనుందా?
నందమూరి కళ్యాణ్ రామ్ కు తెలుగు సినీ పరిశ్రమలో ఓ ప్రత్యేకత వుంది. పెద్దగా హడావుడి చేయరు. భిన్నమైన కథాంశాలతో నిర్మించటం ఆయనకు హాబీ. హిట్, ప్లాప్ లతో సంబంధం లేకుండా మూవీస్ చేస్తూ వుంటారు. ఆ మధ్య 'డెవిల్' సినిమాతో ప్రేక్షకుల ముందుకు వచ్చారు. ఈ చిత్రం ప్రేక్షకులను పెద్దగా ఆకట్టుకోలేదు. ప్రస్తుతం ప్రదీప్ చిలుకూరి దర్శకత్వంలో 'NKR21' చేస్తున్నారు. ముప్పా వెంకయ్య చౌదరి సమర్పణలో అశోక్ క్రియేషన్స్ ,ఎన్టీఆర్ ఆర్ట్స్ పతాకాలపై సంయుక్తంగా నిర్మిస్తున్నాయి. అశోక్ వర్ధన్ ముప్పా, సునీల్ బలుసు ఇవాళ నందమూరి తారక రామారావు జయంతి సందర్భంగా NKR21 నుంచి ఫస్ట్‌ గ్లింప్స్‌ రిలీజ్ చేశారు.
కొత్త గెటప్‌ లో కళ్యాణ్ రామ్
'ఫిస్ట్ ఆఫ్ ఫ్లేమ్' అని NKR21 నుంచి చిత్ర యూనిట్ ఓ వీడియో రిలీజ్ చేసింది. వీడియోలో కళ్యాణ్ రామ్ పిడికిలి, కళ్లను చూపించారు. సినిమాలో కళ్యాణ్ రామ్ పాత్ర ఎంత దృఢంగా ఉండబోతుందో వీడియో చూస్తే తెలుస్తోంది. కళ్యాణ్ రామ్‌ని కొత్త గెటప్‌లో చూపించారు. ఈ సినిమా హై-బడ్జెట్ ఎంటర్‌టైనర్‌ అని విజువల్స్ బట్టి తెలుస్తోంది. ప్రస్తుతం ఈ వీడియో సోషల్ మీడియాలో వైరల్ అవుతోంది. కళ్యాణ్ రామ్ హిట్ కొట్టాలని నందమూరి ఫాన్స్ కోరుకుంటున్నారు. సైలెంట్ గా వుండి మంచి హిట్ సాధించాలని ఆయన అభిమానులు ఆశిస్తున్నారు.
హైదరాబాద్‌లో ప్రొడక్షన్‌ పనులు
ఈ చిత్రంలో సీనియర్ నటి విజయశాంతి నటిస్తున్నారు. సరిలేరు నీకెవ్వరు తర్వాత ఆమె ఈ సినిమాకు ఆమె సైన్ చేశారు. ఈ చిత్రంలో సోహెల్ ఖాన్, సాయి మంజ్రేకర్, శ్రీకాంత్ కీలక పాత్రలు చేస్తున్నారు. ఈ సినిమా షూటింగ్‌ ఇప్పటికే మొదలైంది. ప్రస్తుతం హైదరాబాద్‌లో ప్రొడక్షన్‌ పనులు జరుగుతున్నాయి. ఈ చిత్రానికి కాంతార ఫేమ్ మ్యూజిక్ డైరెక్టర్ అజనీష్ లోక్ నాథ్ సంగీతం అందిస్తున్నారు
