పవన్ కళ్యాణ్ ఒరిజినల్ గ్యాంగ్ స్టర్ కోసం గ్యాంగ్ లీడర్ హీరోయిన్ వచ్చేస్తోంది?
ఈ వార్తాకథనం ఏంటి
పవర్ స్టార్ పవన్ కళ్యాణ్ హీరోగా సాహో దర్శకుడు సుజిత్ దర్శకత్వంలో ఓజీ అనే వర్కింగ్ టైటిల్ తో సినిమా రూపొందుతున్న సంగతి తెలిసిందే.
కొన్నిరోజుల క్రితం హైదరాబాద్ లో లాంఛనంగా ప్రారంభమైంది. ప్రస్తుతం ఈ సినిమా నుండి క్రేజీ అప్డేట్ బయటకు వచ్చింది. ఓజీ చిత్రంలో పవన్ కళ్యాణ్ సరన నటించే హీరోయిన్ ఎవరో తెలిసిపోయింది.
నాని నటించిన గ్యాంగ్ లీడర్ చిత్రంతో తెలుగు తెరకు పరిచయమైన ప్రియాంకా మోహన్ ని పవన్ ఓజీలో తీసుకుంటున్నారని అంటున్నారు.
ఆల్రెడీ చర్చలు జరిగాయని, హీరోయిన్ ఓకే అయిపోయిందని చెబుతున్నారు. మరికొద్ది రోజుల్లో ముంబైలో మొదలయ్యే ఓజీ మొదటి షెడ్యూల్ లో ప్రియాంకా మోహన్ పాల్గొంటున్నారని సమాచారం అందుతోంది.
Details
తెలుగులో ప్రియాంక మోహన్ కు రెండు ఫ్లాపులు
గ్యాంగ్ లీడర్ చిత్రంతో పాటు శర్వానంద్ సరసన శ్రీకారం సినిమాలో మెరిసింది ప్రియాంక. కాకపోతే ఈ రెండు చిత్రాలు కూడా బాక్సాఫీసు వద్ద పెద్దగా ప్రభావాన్ని చూపలేకపోయాయి.
ఫలితంగా ప్రియాంకా మోహన్ కు తెలుగులో అవకాశాలు రాలేదు. తమిళంలో మాత్రం ప్రియాంకకు మంచి ఫాలోయింగ్ ఉంది. శివ కార్తికేయన్ సరసన ప్రియాంక నటిచిన డాక్టర్, డాన్ చిత్రాలు మంచి విజయాన్ని అందుకున్నాయి.
తమిళంలో దూసుకుపోతున్న ప్రియాంక, ఈసారి పవన్ కళ్యాణ్ సినిమాతో తెలుగు ప్రేక్షకులను పలకరించనుందని ఫిలిమ్ నగర్ వర్గాల సమాచారం. మరి ఈ విషయమై అధికారిక సమచారాన్ని ఎప్పుడు బయటపెడతారో చూడాలి.
డీవీవీ దానయ్య నిర్మాతగా వ్యవహరిస్తున్న ఓజీ చిత్రానికి అనిరుధ్ రవిచందర్ సంగీతం అందిస్తున్నారు.