Hansika: విడాకుల వేళ హన్సిక ఎమోషనల్‌ పోస్ట్‌ వైరల్‌!
ఈ వార్తాకథనం ఏంటి
'దేశ ముదురు' చిత్రంతో తెలుగు ప్రేక్షకుల హృదయాలను గెలుచుకున్న అందాల భామ హన్సిక, టాలీవుడ్‌లో పలువురు స్టార్ హీరోలతో నటించి మంచి గుర్తింపు తెచ్చుకుంది. హిందీతో పాటు ఇతర భాషల్లోనూ పలు చిత్రాల్లో నటించిన ఆమెకు మంచి టాలెంట్ ఉన్నప్పటికీ, ఇటీవలి కాలంలో సినిమా అవకాశాలు తగ్గాయి. 2022 డిసెంబర్‌లో తన బాయ్‌ఫ్రెండ్‌ సోహైల్‌ను వివాహం చేసుకుని వైవాహిక జీవితంలోకి అడుగుపెట్టిన హన్సిక, గతంలో సోహైల్‌ తన స్నేహితురాలిని వివాహం చేసుకున్నప్పటికీ, విడాకులు ఇచ్చి హన్సికను పెళ్లి చేసుకున్నాడు. అయితే కొద్ది రోజులుగా హన్సిక-సోహైల్‌ విడాకుల వార్తలు నెట్టింట చక్కర్లు కొడుతున్నాయి. వీరిద్దరూ కొంతకాలంగా విడిగా ఉంటున్నారని, సోహైల్‌ పెద్ద కుటుంబంలో హన్సిక కలవలేకపోవడం వల్లే మనస్పర్థలు వచ్చాయని టాక్‌ నడుస్తోంది.
Details
34వ వసంతంలోకి అడుగుపెట్టిన హన్సిక
అందుకే నటి ప్రస్తుతం తన తల్లి దగ్గరే ఉంటోందన్న ప్రచారం జోరుగా సాగుతోంది. అంతేకాకుండా, హన్సిక తన సోషల్ మీడియాలోని అన్ని పెళ్లి ఫోటోలను డిలీట్‌ చేయడంతో ఈ వార్తలకు మరింత బలం చేకూరింది. అయితే, ఇందులో నిజమెంతుందో తెలుసుకోవాలంటే హన్సిక లేదా సోహైల్‌ లేక వారి కుటుంబ సభ్యులు స్పందించాల్సి ఉంది. ఇదిలా ఉండగా, హన్సిక మోత్వానీ ఇటీవల 34వ వసంతంలోకి అడుగుపెట్టింది. ఈ సందర్భంగా తన ఇన్‌స్టాగ్రామ్‌లో షేర్‌ చేసిన ఎమోషనల్‌ మెసేజ్‌ ప్రస్తుతం సోషల్ మీడియాలో హాట్‌ టాపిక్‌గా మారింది.
Details
ఈ ఏడాది ఎన్నోపాఠాలు నేర్చుకున్నా
జీవితంలో వచ్చిన మార్పులు, నేర్చుకున్న పాఠాల గురించి ఆమె రాసిన సందేశం అభిమానుల్లో ఆసక్తి రేపుతోంది. "2025 సంవత్సరం నేను అడగకుండానే నాకు ఎన్నో పాఠాలు నేర్పింది. నాకు తెలియకుండానే నాలో ఇంత బలం ఉందా అనిపించింది. మీరు అందించిన శుభాకాంక్షలతో నా హృదయం ఉప్పొంగిపోయింది. చిన్న విషయాలు కూడా ఒక్కోసారి ఎంతో ఆనందాన్ని ఇస్తాయి. మీ అందరికీ ధన్యవాదాలు" అంటూ హన్సిక రాసుకొచ్చింది. ఈ పోస్ట్‌తో హన్సిక విడాకుల అంశం మళ్లీ నెట్టింట హాట్‌ టాపిక్‌గా మారింది.