వాల్తేరు వీరయ్య: హైదరాబాద్ లో వాల్తేరు వీరయ్యకు పెరుగుతున్న థియేటర్లు
ఈ వార్తాకథనం ఏంటి
ఒక్కోసారి సినిమా విజయానికి దానికి వచ్చిన రివ్యూలకు పెద్దగా సంబంధం ఉండదు. చాలా సినిమాలకు రివ్యూ సరిగ్గా రాకపోయినా జనాలు మాత్రం వాటిని గుండెల్లో పెట్టుకున్నారు.
అలాంటి సినిమాల సరసన వాల్తేరు వీరయ్య కూడా చేరబోతుందని సోషల్ మీడియాలో వార్తలు వస్తున్నాయి. వాల్తేరు వీరయ్య సినిమాకు మొదట్లో విమర్శకుల నుండి మిశ్రమ స్పందన వచ్చింది. కానీ దాన్ని ప్రేక్షకులు పెద్దగా పట్టించుకోలేదు.
ప్రస్తుతం వాల్తేరు వీరయ్యకు జనాల నుంచి మంచి స్పందన వస్తోంది. ఈ మేరకు హైదరాబాద్ లో షోస్ కూడా పెరుగుతున్నట్లు తెలుస్తోంది.
నిన్నటికి నిన్న వాల్తేరు వీరయ్య సినిమాకు హైదరాబాద్ లో 389షోస్ పడినట్లు సమాచారం. అటు వీరసింహారెడ్డి సినిమాకు 270కి పైగా షోస్ పడ్డాయని చెప్పుకుంటున్నారు.
తెలుగు సినిమా
సంక్రాంతి విన్నర్ గా నిలవబోతుందని కామెంట్లు
ఇక తమిళ నటుడు విజయ్ నటించిన వారసుడు సినిమాకు 303షోస్, కళ్యాణం కమనీయం సినిమాకు 59షోస్ పడ్డాయని సమాచారం అందుతోంది.
ఈ లెక్కన చూసుకుంటే వాల్తేరు వీరయ్య సినిమాకు మరిన్ని షోస్ పెరిగే అవకాశం ఉందని, కలెక్షన్ల రూపంలో చూసుకుంటే సంక్రాంతి విన్నర్ గా నిలవబోతుందని వినబడుతోంది.
ఇటు వీరసింహారెడ్డి సినిమాకు కూడా కలెక్షన్లు అదిరిపోతున్నాయి. ఆల్రెడీ 100కోట్ల గ్రాస్ సాధించినట్టు చిత్ర నిర్మాణ సంస్థ ప్రకటించింది.
సంతోష్ శోభన్ నటించిన కళ్యాణం సినిమాకు ఆల్రెడీ శాటిలైట్, ఓటీటీ రూపంలో డబ్బులు వచ్చేసాయని వార్తలు వచ్చాయి. ఇవన్నీ చూసుకుంటే ఈ సంవత్సరం సంక్రాంతి, తెలుగు సినిమాకు బాగా కలిసివచ్చిందని సినీ అభిమానులు సంతోష పడుతున్నారు.