Samantha: అవాస్తవాల ప్రచారంతో బాధపడ్డాను.. అండగా నిలిచిన స్నేహితులకు ధన్యవాదాలు : సమంత
ఈ వార్తాకథనం ఏంటి
తన జీవితంలో ఎదుర్కొన్న క్లిష్టమైన పరిస్థితులపై హీరోయిన్ సమంత మనసు విప్పి మాట్లాడింది.
విడాకులు, ఆరోగ్య సమస్యలు, సామాజిక దృక్పథాలు వంటి విషయాలపై తాజాగా ఓ ఇంటర్వ్యూలో కీలక వ్యాఖ్యలను చేసింది.
బంధం విచ్ఛిన్నం అయితే ఎక్కువగా అమ్మాయిలపైనే నిందలు వస్తాయని, సమాజం వాటిని మరింత తీవ్రంగా తీసుకుంటుందని ఆమె అన్నారు.
డివోర్స్‌ తర్వాత అమ్మాయిలకు 'సెకండ్‌ హ్యాండ్‌, యూజ్డ్‌' వంటి పదాలను తగిలిస్తారని, వాటివల్ల అమ్మాయిల మనసు మరింత గాయపడుతుందని తన బాధను వ్యక్తపరిచింది.
ఇటువంటి సమయంలో తనకు మద్దతుగా ఉన్న స్నేహితులు, కుటుంబసభ్యులకు ధన్యవాదాలు తెలిపారు. తన పెళ్లి గౌనును రీ మోడల్‌ చేయించిన విషయంపై సమంత స్పందించారు.
Details
ప్రతి ముగింపు కొత్త ఆరంభానికి సంకేతం
ఆ నిర్ణయం చాలా కఠినమైందని, అది ప్రతీకారానికి సంబంధించినది కాదని, తన జీవితంలో జరిగిన సంఘటనల్ని దాచిపెట్టాలనుకోలేదన్నారు.
ప్రతి ముగింపు ఒక కొత్త ఆరంభానికి సంకేతం మాత్రమేనని ఆమె స్పష్టం చేశారు. తాను ఇప్పుడు చాలా సంతోషంగా ఉన్నానని తెలిపింది.
సమంత తన అనారోగ్యం కారణంగా 'సిటడెల్‌: హనీ బన్నీ' చిత్రంలో మొదట యాక్షన్ సన్నివేశాలకు సిద్ధం కాలేకపోయిన విషయాన్ని వెల్లడించారు.
ఈ చిత్రీకరణ సమయంలో ఎదుర్కొన్న సవాళ్లు తనకు కొత్త శక్తిని ఇచ్చాయని చెప్పారు. వ్యక్తిగత సమస్యలు ఎదురైనా, ఎదిగే అవకాశం ప్రతి ఒక్కరికీ ఉంటుందని ఆమె చెప్పుకొచ్చారు.