Faria Abdullah: యాక్షన్ కథలకే నా ఓటు.. అసలు కారణం చెప్పిన ఫరియా అబ్దుల్లా
ఈ వార్తాకథనం ఏంటి
ఒకే సినిమాలో అన్ని రకాల భావోద్వేగాలను ప్రదర్శించే అవకాశం చాలా అరుదుగా వస్తుంటుంది. అలాంటి అరుదైన పాత్ర 'సిగ్మా'లో నాకు దక్కిందని నటి ఫరియా అబ్దుల్లా అన్నారు. ఆమె కథానాయికగా నటించిన చిత్రం 'సిగ్మా'. సందీప్ కిషన్ కథానాయకుడిగా నటించిన ఈ సినిమాకు తమిళనాడు సీఎం విజయ్ కుమారుడు జాసన్ సంజయ్ దర్శకత్వం వహించారు. ఈ చిత్రం అక్టోబరు 2న ప్రేక్షకుల ముందుకు రానుంది. ఈ సందర్భంగా ఫరియా అబ్దుల్లా మాట్లాడుతూ.. 'సిగ్మా'లో తాను రేడియో జాకీ సామ్ పాత్రలో కనిపించనున్నట్లు తెలిపారు. ఇది చాలా మంచి పాత్ర అని చెప్పారు. ఒకే సినిమాలో విభిన్న రకాల భావోద్వేగాలను ప్రదర్శించే అవకాశం తనకు ఈ పాత్ర ద్వారా లభించిందని పేర్కొన్నారు.
వివరాలు
ఆహారపు అలవాట్ల విషయంలో మాత్రం తేడా ఉంది
జాసన్ సంజయ్ గురించి మాట్లాడుతూ.. తమిళనాడు సీఎం విజయ్ కుమారుడైన జాసన్కు దర్శకత్వంపై మంచి పట్టుందని ఫరియా చెప్పారు.
తమిళ ప్రేక్షకులు జాసన్ సంజయ్తో పాటు సందీప్ కిషన్పై కూడా ఎంతో ప్రేమను చూపిస్తుంటారని అన్నారు. ఆ ప్రేమ తనకు కూడా కలిసొచ్చిందని తెలిపారు.
తెలుగు, తమిళ చిత్ర పరిశ్రమల మధ్య తనకు పెద్దగా వ్యత్యాసం కనిపించలేదని ఫరియా పేర్కొన్నారు. అయితే ఆహారపు అలవాట్ల విషయంలో మాత్రం తేడా ఉందని చెప్పారు.
తాను అన్ని రకాల కథల్లో నటించాలని కోరుకుంటున్నట్లు ఫరియా తెలిపారు.
వివరాలు
దర్శకత్వంపై ఆసక్తి ఉంది
అయితే తన వ్యక్తిత్వానికి యాక్షన్ బాగా నప్పుతుందని, అందుకే యాక్షన్ ప్రధానమైన కథల్లో నటించడానికి ఎక్కువగా ఆసక్తి చూపుతుంటానని చెప్పారు.
అంతేకాదు.. తాను కొన్ని కథలను కూడా రాసుకుంటున్నట్లు ఫరియా వెల్లడించారు. దర్శకత్వంపై కూడా ఆసక్తి ఉందని తెలిపారు.
భవిష్యత్తులో తాను దర్శకత్వం వహించే సినిమాలో తానే తప్పకుండా నటిస్తానని చెప్పారు.