బిగ్ బాస్ తెలుగు: విజయ్ తప్పుకుంటున్నాడు, బాలకృష్ణను పట్టుకోవాల్సిందేనా
బిగ్ బాస్ తెలుగు నిర్వాహకులు పెద్ద కష్టమే వచ్చి పడింది. వరుసగా 4సీజన్లకు హోస్ట్ గా వ్యవహరించిన నాగార్జున, వచ్చే సీజన్ నుండి తప్పుకుంటుండంతో హోస్ట్ గా ఎవరిని తీసుకురావాలో అర్థం కావట్లేదు. ప్రస్తుతం బిగ్ బాస్ నిర్వాహకుల దగ్గర బాలకృష్ణ, విజయ్ దేవరకొండ, రానా దగ్గుబాటి పేర్లు ఉన్నట్టు తెలుస్తోంది. యంగ్ సెన్సేషన్ విజయ్ దేవరకొండ, బిగ్ బాస్ ని హోస్ట్ చేస్తే యువతను ఆకర్షించవచ్చని ప్లాన్ చేస్తున్నారు. ఐతే విజయ్ దేవరకొండ వద్దకు ప్రపోజల్ వెళ్ళిందనీ, కానీ విజయ్ నుండి ఎలాంటి ప్రతిస్పందన రాలేదని తెలుస్తోంది. నెంబర్ వన్ యారి షోని చక్కగా డీల్ చేసిన రానా దగ్గుబాటిని కూడా అడిగారట, ఆయన పాజిటివ్ గా స్పందించలేదని అంటున్నారు.
అన్ స్టాపబుల్ తో వచ్చిన క్రేజ్ ని క్యాష్ చేసుకునే పనిలో బిగ్ బాస్
ప్రస్తుతం బిగ్ బాస్ బృందం బాలయ్య కోసం చూస్తోంది. అన్ స్టాపబుల్ టాక్ షో ద్వారా బాలకృష్ణ క్రేజ్ పెరిగిపోయింది. అందువల్ల బాలకృష్ణ ను హోస్ట్ గా పట్టుకొస్తే బాగుంటుందని బిగ్ బాస్ బృందం ఆలోచిస్తున్నట్లు తెలుస్తోంది. హోస్ట్ గా చేయడానికి బాలయ్య ఒప్పుకుంటే బిగ్ బాస్ కి మంచి క్రేజ్ వస్తుందని వాళ్ళు నమ్ముతున్నారు. మరి బాలయ్య ఒప్పుకుంటాడో లేదో తెలియదు. ఇదిలా ఉంటే బాలయ్య వేరే షో చేస్తే, అన్ స్టాపబుల్ క్రేజ్, తగ్గిపోతుందేమోనని ఆహా ఆందోళన పడుతోంది. మరి బాలయ్య ఒప్పుకుంటారా లేదా అన్నది చూడాలి. బాలయ్య హోస్ట్ గా రావాలనీ, ఆయన బాగ డీల్ చేయగలరనీ అభిమానులతో పాటు చాలామంది సోషల్ మీడియాలో కామెంట్లు చేస్తున్నారు.
