Irumudi Three Days Collections : రూ.100 కోట్ల క్లబ్పై 'ఇరుముడి' కన్ను.. ఫస్ట్ వీకెండ్లో అదిరిపోయే వసూళ్లు!
ఈ వార్తాకథనం ఏంటి
మాస్ మహారాజ రవితేజ నటించిన తాజా ఫ్యామిలీ ఎమోషనల్ ఎంటర్టైనర్ 'ఇరుముడి' బాక్సాఫీస్ వద్ద దూసుకెళ్తోంది. విడుదలైన తొలి రోజు నుంచే పాజిటివ్ టాక్తో మంచి వసూళ్లు రాబడుతున్న ఈ చిత్రం.. ఫస్ట్ వీకెండ్లో భారీ నంబర్లు నమోదు చేసినట్లు ట్రేడ్ వర్గాలు అంచనా వేస్తున్నాయి.
వివరాలు
మూడు రోజుల్లో రూ.71.87 కోట్ల గ్రాస్
శుక్రవారం ప్రేక్షకుల ముందుకు వచ్చిన 'ఇరుముడి' మూడు రోజుల్లోనే ప్రపంచవ్యాప్తంగా రూ.71.87 కోట్ల గ్రాస్ వసూలు చేసినట్లు సమాచారం.
భారత్లో ఈ సినిమా రూ.58.37 కోట్ల గ్రాస్ సాధించగా.. సుమారు రూ.50.30 కోట్ల నెట్ వసూళ్లు రాబట్టినట్లు తెలుస్తోంది.
ఇక ఓవర్సీస్లోనూ సినిమాకు మంచి స్పందన లభిస్తోంది. విదేశాల్లో ఇప్పటివరకు రూ.11-12 కోట్ల గ్రాస్ వసూళ్లు వచ్చినట్లు ట్రేడ్ వర్గాల సమాచారం.
ఇదే జోరు కొనసాగితే 'ఇరుముడి' త్వరలోనే రూ.100 కోట్ల క్లబ్లోకి అడుగుపెట్టే అవకాశం ఉందని ట్రేడ్ వర్గాలు భావిస్తున్నాయి.
వివరాలు
రవితేజ కెరీర్లో తొలి మిలియన్ డాలర్ మూవీ
నార్త్ అమెరికాలో 'ఇరుముడి' ఒక మిలియన్ డాలర్లకు పైగా వసూళ్లు సాధించినట్లు చిత్ర నిర్మాణ సంస్థ మైత్రీ మూవీ మేకర్స్ వెల్లడించింది.
రవితేజ కెరీర్లోనే ఇది తొలి మిలియన్ డాలర్ మూవీ అని పేర్కొంది.
అంతేకాదు.. విడుదలైన తొలి వీకెండ్లో అన్ని ఏరియాల్లో సెకండ్ షోలకు సైతం థియేటర్లు ఫుల్ అయిన చిత్రంగా 'ఇరుముడి' నిలిచిందని నిర్మాణ సంస్థ తెలిపింది.
వివరాలు
తండ్రీకూతుళ్ల ఎమోషన్.. క్రైమ్ థ్రిల్లర్ టచ్
శివ నిర్వాణ దర్శకత్వం వహించిన ఈ చిత్రంలో రవితేజకు జోడీగా ప్రియా భవానీ శంకర్ నటించారు. రవితేజ కుమార్తెగా చిన్నారి నక్షత్ర కీలక పాత్ర పోషించింది.
అజయ్ ఘోష్, సాయికుమార్, స్వాసిక తదితరులు ముఖ్య పాత్రల్లో కనిపించారు. జీవీ ప్రకాశ్ కుమార్ సంగీతం అందించిన ఈ చిత్రాన్ని మైత్రీ మూవీ మేకర్స్ బ్యానర్పై నవీన్ యర్నేని, వై. రవిశంకర్ నిర్మించారు.
రెగ్యులర్ మాస్ కథలకు భిన్నమైన కథాంశంతో తెరకెక్కిన 'ఇరుముడి'కి ప్రేక్షకులు బ్రహ్మరథం పడుతున్నారు.
ముఖ్యంగా తండ్రీకూతుళ్ల అనుబంధం, మధ్యతరగతి కుటుంబ భావోద్వేగాలు ప్రేక్షకులను ఆకట్టుకుంటున్నాయి.
ఇక సెకండాఫ్లో వచ్చే క్రైమ్ థ్రిల్లర్ అంశాలు సినిమాకు మరింత ఆసక్తిని జోడించాయి.