కళ్యాణం కమనీయం: పెద్ద సినిమాల నడుమ ఉక్కిరిబిక్కిరి అవుతున్న సంతోష్ శోభన్
ఈ వార్తాకథనం ఏంటి
పెద్ద సినిమాలు రిలీజ్ అవుతున్న సమయంలో చిన్న సినిమాలకు థియేటర్ల కొరత ఏర్పడటం సహజం. ఈ సంక్రాంతికి అటు వీరసింహారెడ్డి, ఇటు వాల్తేరు వీరయ్య సినిమాలు రిలీజ్ అవుతున్నాయి.
ఇవేకాక తమిళ నటుడు విజయ్ నటించిన వారసుడు, అజిత్ నటించిన తెగింపు చిత్రాలు కూడా సంక్రాంతి పండక్కి ప్రేక్షకులను పలకరించబోతున్నాయి.
ఇన్ని పెద్ద సినిమాల నడుమ కళ్యాణం కమనీయం అనే సినిమాను తీసుకొస్తున్నాడు హీరో సంతోష్ శోభన్. పేపర్ బాయ్ సినిమాతో తనకంటూ హీరోగా గుర్తింపు తెచ్చుకున్నాడు.
ఆ తర్వాత ఓటీటీలో విడుదలైన ఏక్ మినీ కథ సినిమాతో మంచి విజయాన్ని అందుకున్నాడు.
ఆ తర్వాత వచ్చిన మంచి రోజులు వచ్చాయి, లైక్ షేర్ సబ్ స్క్రైబ్ సినిమాలు ఆశించిన ఫలితాన్ని ఇవ్వలేదు.
తెలుగు సినిమా
యూత్ ఫుల్ రొమాన్స్ తో వస్తున్న సినిమా
ప్రస్తుతం కళ్యాణం కమనీయం అనే సినిమాతో ప్రేక్షకుల ముందుకు వస్తున్నాడు సంతోష్. సంక్రాంతి సందర్భంగా జనవరి 14వ తేదీన ఈ విడుదల అవుతుంది.
ఇన్ని పెద్ద సినిమాల మధ్య వస్తున్న ఈ సినిమా, ఎలా నిలబడుతుందనే దానిపై చాలామందికి చాలా అనుమానాలున్నాయి. ఐతే సంతోష్ మాత్రం చాలా నమ్మకంగా ఉన్నాడట.
ఈ సినిమాలో భార్యాభర్తల మధ్య బంధాన్ని చాలా బాగా చూపించామని, యూత్ పుల్ రొమాన్స్ ఉంటుందని, కుటుంబం మొత్తం చూసే విధంగా వినోదాన్ని ఇస్తుందని చెప్పుకొచ్చాడు.
నిర్మాత యూవీ కాన్సెప్ట్ కూడా ఈ విషయంలో నమ్మకంగా ఉన్నట్టు కనిపిస్తోంది. మరి సంతోషం నమ్మకం నిలబడి, ఈ సినిమా విజయాన్ని అందుకుంటుందేమో చూడాలి.