ఆర్ఆర్ఆర్ దూకుడుతో పవన్ అభిమానులు హ్యాపీ.. కారణం అదే
ఈ వార్తాకథనం ఏంటి
పవర్ స్టార్ పవన్ కల్యాణ్ హరిహర వీరమల్లు సినిమాతో ప్రేక్షకుల ముందుకు రాబోతున్నాడు. క్రిష్ దర్శకత్వం వహిస్తున్న ఈ సినిమాను దేశవ్యాప్తంగా తెలుగు సహా హిందీ, తమిళం, కన్నడ, మలయాళం భాషల్లో రిలీజ్ చేస్తున్నారు.
ఐతే ప్రస్తుతం పవన్ కళ్యాణ్ కి తెలుగులో వీర లెవెల్లో అభిమానులు ఉన్నారు. తెలుగులో మార్కెట్ ఓ రేంజ్ లో ఉంది. కానీ ఇండియా మొత్తంలో సినిమాను ప్రమోట్ చేసేందుకు దర్శక నిర్మాతలు సిద్ధం అవుతున్నారు.
వాళ్ళలా రెడీ అవుతుండగానే హరిహర వీరమల్లు చిత్రానికి అదిరిపోయే అడ్వాంటేజ్ దొరికింది. అది కూడా రాజమౌళి రూపొందించిన ఆర్ఆర్ఆర్ నుండి వచ్చింది.
పవన్ స్టామినా దేశవ్యాప్తంగా తెలియడానికి ఆర్ఆర్ఆర్ సినిమాకు మ్యూజిక్ అందించిన కీరవాణి మంచి అడ్వాంటేజ్ గా మారారు.
పవన్ కళ్యాణ్
నాటు నాటు పాటతో గ్లోబల్ రీచ్
ఆర్ఆర్ఆర్ సినిమాలోని నాటు నాటు పాట గోల్డెన్ గ్లోబ్ కి నామినేషన్ అవడం, అలాగే ఆస్కార్స్ షార్ట్ లిస్ట్ లో చోటు దక్కించుకోవడంతో ప్రపంచ వ్యాప్తంగా కీరవాణి పేర్ మారుమోగుతోంది.
ఆయన చేసిన పాత సినిమాలు ఏంటని వెతికి మరీ చూస్తున్నారు ప్రేక్షకులు. అలాగే కీరవాణీ మ్యూజిక్ చేస్తున్న కొత్త సినిమాలేంటో అని చెక్ చేస్తున్నారు.
ప్రస్తుతం కీరవాణి నుండి హరిహర వీరమల్లు సినిమా వస్తోంది. దానివల్ల ఈ సినిమా పాటలపై అందరికీ ఆసక్తి పెరిగింది. ఆడియో రైట్స్ కోసం సంస్థలు పోటీ పడుతున్నట్లు తెలుస్తోంది.
అందుకే పవన్ సినిమాకి నాటు నాటు పాట అడ్వాంటేజ్ అయ్యిందని చెప్పుకుంటున్నారు. కీరవాణి ఆస్కార్స్ గెలుచుకుంటే ఈ అడ్వాంటేజ్ ఇంకా ఎక్కువయ్యే అవకాశం ఉంటుంది