Kiran Abbavaram : కిరణ్ అబ్బవరం లేటెస్ట్ చిత్రం "క".. దీపావళి రేస్ లో కుర్ర హీరో
ఈ వార్తాకథనం ఏంటి
కిరణ్ అబ్బవరం హీరోగా నటిస్తున్న చిత్రం 'క'. దర్శక ద్వయం సుజీత్,సందీప్ దర్శకత్వంలో రూపొందుతున్న ఈ చిత్రం పీరియాడికల్ డ్రామా నేపథ్యంలో సాగుతుంది.
క్వాలిటీలో ఎక్కడా కాంప్రమైజ్ కాకుండా, భారీ బడ్జెట్ తో ఈ చిత్రాన్ని కిరణ్ అబ్బవరం నిర్మిస్తున్నారు.
విరూపాక్ష టైపు మిస్టిక్ థ్రిల్లర్‌గా రూపొందుతున్న ఈ చిత్రం తెలుగు, తమిళం, మలయాళం, కన్నడ, హిందీ భాషలలో విడుదల అవుతుంది.
షూటింగ్ పూర్తి చేసుకున్న ఈ చిత్రం ప్రమోషన్స్‌ను ప్రారంభించింది.
ఇటీవల రిలీజైన 'క' మాస్ జాతర సాంగ్ సినిమాపై అంచనాలను పెంచింది. 'క' ను అక్టోబరు సెకండ్ వీక్ లో విడుదల చేయాలనుకుంటున్నారు, కానీ ప్యాచ్ వర్క్ కారణంగా వాయిదా వేయడం జరిగింది.
వివరాలు
థియేట్రికల్ బిజినెస్ తో జాక్ పాట్ కొట్టిన కిరణ్
తాజా సమాచారం ప్రకారం, ఈ చిత్రాన్ని దీపావళి కానుకగా అక్టోబరు 31న విడుదల చేయాలని మేకర్స్ ప్లాన్ చేస్తున్నారు.
అందుకు సంబంధించిన ఏర్పాట్లు కూడా మేకర్స్ చేస్తున్నట్టు సమాచారం.
కిరణ్ కెరీర్‌లో అత్యంత భారీ బడ్జెట్ చిత్రంగా 'క' నిలవనుంది. ఈ చిత్రం కిరణ్ కెరీర్‌లో బిగ్ హిట్ అవుతుందని టాక్. ఈ చిత్ర థియేట్రికల్ రైట్స్ ను వంశీ నందిపాటి కొనుగోలు చేసారు.
ఇది వరకే, దీపావళికి టాలీవుడ్ యువ హీరో విశ్వక్ సేన్ నటించిన 'ఎం, మెకానిక్ రాకి' విడుదల చేస్తున్నట్లు ప్రకటించారు.
అలాగే, కిరణ్ అబ్బవరం 'క' చిత్రానికి శివకార్తికేయన్ 'అమరన్' అనే తమిళ డబ్బింగ్ చిత్రం నుండి పోటీ ఎదుర్కొనబోతోంది.