Nandamuri Mokshagna: మోక్షజ్ఞ హీరోగా ఎంట్రీ.. అదిరిపోయిన ఫస్ట్ లుక్ ..
నందమూరి అభిమానులకు శుభవార్త! బాలకృష్ణ కుమారుడు మోక్షజ్ఞ సినీరంగ తెరంగేట్రం చేయబోతున్నాడు. స్టార్ డైరెక్టర్ ప్రశాంత్ వర్మ ఈ చిత్రాన్ని డైరెక్ట్ చేస్తున్నారు. మోక్షజ్ఞ పుట్టినరోజు సందర్భంగా, 'సింబా ఈజ్ కమింగ్' అనే పేరుతో సినిమా లుక్‌ను విడుదల చేశారు. దీంతో అభిమానులు విషెస్‌ చెబుతున్నారు. తొలి సినిమాకు ఆల్‌ ది బెస్ట్‌ చెబుతూ కామెంట్స్‌ చేస్తున్నారు. ఇటీవల, ప్రశాంత్ వర్మ తన సోషల్ మీడియాలో మోక్షజ్ఞ గురించి సూచనలు ఇచ్చారు. "నా యూనివర్స్‌ నుంచి త్వరలోనే ఓ కొత్త తేజస్సు రానుంది", "వారసత్వాన్ని ముందుకు తీసుకెళ్లే అద్భుత క్షణం" అంటూ వరుస పోస్ట్‌లు చేశారు.
మొదటి ఫేజ్‌లో ఆరుగురు సూపర్ హీరోల సినిమాలు
మోక్షజ్ఞ లుక్‌ను విడుదల చేసి, ఆయనను తన తర్వాత సినిమా హీరోగా పరిచయం చేశారు. ప్రశాంత్ వర్మ సినిమా యూనివర్స్‌ (PVCU) నుండి రెండో ప్రాజెక్ట్‌గా ఈ చిత్రం ఉంటుందని చెప్పారు. ఆయన ఇప్పటికీ 20 స్క్రిప్ట్‌లను సిద్ధం చేస్తున్నారని, మొదటి ఫేజ్‌లో ఆరుగురు సూపర్ హీరోల సినిమాలు తీస్తామనీ గతంలో వెల్లడించారు. ఏడాదికి ఒక సినిమాను విడుదల చేస్తానని ఆయన పేర్కొన్నారు. ఇప్పుడు, ఈ కొత్త సినిమా కథ ఎలా ఉంటుందో అని అభిమానులు ఆసక్తిగా ఎదురుచూస్తున్నారు.
