సప్త సాగరాలు దాటి ట్రైలర్:తెలుగులో వస్తున్న కన్నడ బ్లాక్ బస్టర్
కన్నడ హీరో రక్షిత్ శెట్టి నటించిన సప్త సాగరాలు దాటి సైడ్-ఏ చిత్ర తెలుగు ట్రైలర్ ఈరోజు విడుదలైంది. నేచురల్ స్టార్ నాని చేతుల మీదుగా ట్రైలర్ లాంచ్ జరిగింది. ఈ సినిమా కన్నడలో విడుదలై మంచి హిట్ టాక్ తెచ్చుకుంది. ప్రస్తుతం తెలుగులో రిలీజ్ చేస్తున్నారు. తన ట్విట్టర్ ఖాతాలో ఈ సినిమా గురించి మాట్లాడిన నాని, సప్త సాగరాలు దాటి సినిమా గురించి చాలా విన్నానని, సినిమా చూసేందుకు ఎంతగానో ఎదురుచూస్తున్నానని అన్నారు. నాని చెప్పినట్టుగానే సప్త సాగరాలు దాటి ట్రైలర్ కొత్తగా ఉంది. ప్రేమకథలా కనిపిస్తున్నప్పటికీ అనేక పార్శ్వాలు ఉంటాయని ట్రైలర్ చూస్తే అర్థమవుతోంది.
సెప్టెంబర్ 22న విడుదల అవుతున్న సినిమా
ప్రేమకథ అయితే మ్యూజిక్, డైలాగ్స్ బాగుండాలని అంటారు. ఈ విషయంలో సప్త సాగరాలు దాటి సినిమాకు మంచి మార్కులు పడతాయని ట్రైలర్ లో అర్థవుతుంది. రక్షిత్ శెట్టి హీరోగా నటిస్తూనే సొంతంగా నిర్మించాడు. ప్రస్తుతం తెలుగులో మాత్రం పీపుల్స్ మీడియా ఫ్యాక్టరీ విడుదల చేస్తుంది. రుక్మిణి వసంత్ హీరోయిన్ గా కనిపిస్తున్న ఈ సినిమాను హేమంత్ ఎమ్ రావు దర్శకత్వం వహించారు. శర్త్ లోహితశ్వ, అచ్యుత కుమార్, పవిత్రా లోకేష్, రమేష్ ఇందిరా కీలక పాత్రల్లో కనిపించనున్న ఈ సినిమాకు చరణ్ రాజ్ సంగీతం అందించారు. తెలుగులో సెప్టెంబర్ 22వ తేదీన థియేటర్లలో విడుదల అవుతుంది.
