NAVADEEP : జీవితంపై నవదీప్ కీలక వ్యాఖ్యలు.. మనం ఎన్నో అనుకుంటాం గానీ అవన్నీ జరగవు
ఈ వార్తాకథనం ఏంటి
టాలీవుడ్ హీరో నవదీప్ 'లవ్ మౌళి చిత్రంతో ప్రేక్షకులను అలరించనున్నారు. ఆయన హీరోగా నటించిన మూవీని దర్శకుడు అవనీంద్ర తెరకెక్కించారు. నైరా క్రియేషన్స్‌, శ్రీకర స్టూడియోస్‌ పతాకాలపై సి స్పేస్‌ సంస్థ ఈ సినిమాను నిర్మించింది. ఈ సందర్బంగా నవదీప్ 'లవ్ మౌళి'గా ప్రేక్షకుల్ని పలకరించనున్నారు. పంఖురి గిద్వానీ జోడిగా నవదీప్ ఆడిపాడనున్నారు. భావన సాగి, మిర్చి హేమంత్‌ తదితరులు కీలక పాత్రలు పోషించారు. ఇదే సమయంలో ఈ సినిమా టీజర్‌ను హైదరాబాద్‌లో సోమవారం విడుదల చేశారు. ఈ సందర్భంగా హీరో నవదీప్ స్పందించారు. తాను గత కొన్నేళ్లలో రకరకాల సినిమాలు, అనవసరమైన చిత్రాలు చాలా చేశాన్నారు. లాక్‌డౌన్‌లో కొంత విరామం తీసుకుని తన బలం ఏమిటో తెలుసుకున్నానన్నారు.
DETAILS
జీవితంలో ఆగి ఆలోచిస్తేనే తెలుస్తుంది : నవదీప్
ఈ సినిమా ఆ కోవలోనే విన్న కథ అన్నారు. తన ఆలోచనా విధానానికి, తాను చేయాలనుకుంటున్న సినిమాలకు ఈ చిత్రం దగ్గరగా అనిపించిందని నవదీప్ చెప్పుకొచ్చారు. తన జీవితంలో జరిగిన ప్రేమ కథల ఫలితమే ఈ చిత్ర కథ సారాంశమని ఆయన అన్నారు. ప్రేక్షకుల ముందుకు స‌రికొత్త చిత్రంతో రాబోతున్నట్లు నవదీప్ వెల్లడించారు. జీవితంలో ఎన్నో చేయాలని అనుకుంటామని, కానీ జ‌రిగేది వేరన్నారు. జీవిత ప‌రుగులో నిగగ్నమైన మనం ఆ విష‌యాన్ని గ‌మ‌నించలేమన్నారు. ఎక్క‌డో ఒక ద‌గ్గ‌ర ఆగి ఆలోచిస్తే ఆ విష‌యం మనకు తెలుస్తుందన్నారు. మరోవైపు ఈ ప్రేమ కథలో చాలా కోణాలున్నాయి అని దర్శకుడు అవనీంద్ర చెప్పారు. కార్యక్రమంలో పంఖురి, అనంత్‌ శ్రీరామ్‌, భావన, కిరణ్‌ మామిడి తదితరులు పాల్గొన్నారు.