#NBK 108: బాబాయ్ అంటూ పిలిచే శ్రీలీల, కీలకం కానున్న ఎపిసోడ్
బాలకృష్ణ, అనిల్ రావిపూడి కాంబినేషన్లో వస్తున్న సినిమాపై వస్తున్న అప్డేట్లు సినిమా మీద ఆసక్తినీ మరింతగా పెంచేస్తున్నాయి. తాజా సమాచారం ప్రకారం, సినిమాలో శ్రీలీల పాత్ర ఏంటో బయటకు వచ్చింది. బాబాయ్ బాలయ్య అంటూ శ్రీలీల పిలుపు: ఈ సినిమాలో బాలయ్య కూతురుగా శ్రీలీల కనిపిస్తుందని మొదటి నుండి వార్తలు వచ్చాయి. అయితే అది నిజమే అయినప్పటికీ సొంత నాన్నగా కాకుండా శ్రీలీలకు బాబాయ్ పాత్రలో బాలయ్య ఉంటారట. శ్రీలీల పాత్ర తల్లిదండ్రులు చనిపోవడం వల్ల బాబాయ్ పట్ల ఎఫెక్షన్ ఎక్కువగా ఉంటుందని, బాలయ్య, శ్రీలీల మధ్య వచ్చే సన్నివేశాలు బాగా ఆసక్తికరంగా ఉంటాయని అంటున్నారు. ప్రస్తుతం చిత్రీకరణ జోరుగా సాగుతున్నట్లు తెలుస్తోంది.
తెలంగాణ నేపథ్యంలో తెరకెక్కుతున్న సినిమా
ఈ సినిమా తెలంగాణ నేపథ్యంతో తెరకెక్కుతుందని అంటున్నారు. ప్రచార చిత్రాలు, అప్డేట్ల పోస్టర్లు రిలీజ్ చేసినపుడు, చిత్రబృందం తెలంగాణ యాసలోనే ట్వీట్ చేస్తుండడంతో ఈ విధంగా చెబుతున్నారు. ఈ విషయంలో ఏది నిజమనేది సినిమా నుండి ఏదైనా గ్లింప్స్ వస్తేనేగానీ తెలియదు. దసరా సందర్భంగా థియేటర్లలోకి అడుగు పెట్టడానికి ఈ చిత్రాన్ని రెడీ చేస్తున్నారు. ఈ సినిమా టైటిల్ ఏంటనేది ఇంకా రివీల్ చేయలేదు. మరికొద్ది రోజుల్లో రివీల్ చేస్తామని అనిల్ రావిపూడి ప్రకటించారు. షైన్ స్క్రీన్ ఎంటర్టైన్మెంట్ బ్యానర్లో రూపొందుతున్న ఈ సిత్రాన్ని సాహు గారపాటి, హరిష్ పెద్ది నిర్మిస్తున్నారు. ఎస్ఎస్ థమన్ సంగీతం అందిస్తున్న ఈ చిత్రంలో బాలయ్య జోడీగా కాజల్ అగర్వాల్ కనిపిస్తోంది.
