#NBK108: దసరాకు ఫిక్స్ చేసి కన్ఫ్యూజన్ లో పడేసిన అనిల్ రావిపూడి
నందమూరి బాలకృష్ణ, అనిల్ రావిపూడి కాంబినేషన్లో తెరకెక్కుతున్న చిత్రం నుండి వరుసపెట్టి అప్డేట్లు వస్తూనే ఉన్నాయి. సినిమా మొదలైనప్పటి నుండి ఫుల్ స్వింగ్ లో చిత్రీకరణ జరుపుకుంటోంది. హీరోయిన్లు కాజల్ అగర్వాల్, శ్రీలీల కూడా చిత్ర షూటింగ్ లో జాయిన్ అయ్యారు. ప్రస్తుతం ఈ సినిమా ఎప్పుడు రిలీజ్ కానుందనేది తెలియజేసాడు దర్శకుడు అనిల్ రావిపూడి. 2023దసరా సమయంలో సినిమాకు థియేటర్లలోకి తీసుకొస్తామని చెప్పాడు. కానీ ఏ డేట్ కి వస్తుందనేది వెల్లడి చేయలేదు. దసరాకు మాత్రం ఫిక్స్ చేసుకున్నాడు. దసరాకు వస్తున్నామని చెప్పి, తేదీ ఫిక్స్ చేయలేదో ఎవ్వరికీ అర్థం కావట్లేదు. ఐతే ఈ సినిమా టైటిల్ ని, రిలీజ్ డేట్ ని త్వరలోనే వెల్లడి చేస్తామని చెప్పాడు దర్శకుడు.
దసరా టైమ్ లో బాక్సాఫీసు వద్ద పోటీపడుతున్న సినిమాలు
దసరా పండక్కి బాక్సాఫీసు వద్ద గట్టి పోటీ ఉండనుందని అర్థమవుతోంది. ఇప్పటివరకు ప్రకటించిన సినిమాల లిస్టు చూసుకుంటే, రవితేజ నటిస్తున్న పాన్ ఇండియా చిత్రం టైగర్ నాగేశ్వర్ రావు అక్టోబర్ 20న విడుదల అవుతుంది. బోయపాటి దర్శకత్వంలో రామ్ పోతినేని హీరోగా వస్తున్న చిత్రం కూడా అక్టోబర్ 20వ తేదీన థియేటర్లలోకి వస్తుంది. ఇప్పుడు ఎన్బీకే 108 ఇంకా తమిళ హీరో విజయ్ నటిస్తున్న లియో కూడా దసరా సందర్భంగా అక్టోబర్ 19న విడుదల అవుతుంది. మరి దసరా లీగ్ లో ఇంకెన్ని చిత్రాలు చేరతాయో చూడాలి. అదలా ఉంచితే, ఎన్ బీ కే 108చిత్రాన్ని షైన్ స్క్రీన్ బ్యానర్ పై సాహు గారపాటి, హరీష్ పెద్ది నిర్మిస్తున్నారు. థమన్ సంగీతం అందిస్తున్నారు.
ఈ టైమ్ లైన్ ని షేర్ చేయండి