బాలయ్య సినిమాకు కొత్త అందం, అనిల్ రావిపూడి అదరగొట్టేస్తున్నడా?
నందమూరి బాలకృష్ణ హీరోగా అనిల్ రావిపూడి దర్శకత్వంలో సినిమా రూపొందుతున్న సంగతి అందరికీ తెలిసిందే. తాజాగా ఈ సినిమా నుండి సరికొత్త అప్డేట్ వచ్చింది. అభిమానులు అందరూ ఊగిపోయే అప్డేట్ తో ముందుకు వచ్చింది చిత్రబృందం. బాలయ్య 108వ సినిమాలో, కాజల్ అగర్వాల్ జాయిన్ అయ్యింది. ఈ మేరకు చిత్రబృందం ట్విట్టర్ వేదిక ద్వారా పోస్ట్ చేసింది. ప్రస్తుతం హైదరాబాద్ లో జరుగుతున్న సినిమా షూటింగ్ లో కాజల్ జాయిన్ అయ్యింది. ఈ సినిమాలో శ్రీలీల మరో ముఖ్య పాత్రలో కనిపిస్తున్న సంగతి తెలిసిందే. ఎన్ బీ కే 108 సినిమా పనులు చాలా వేగంగా జరుగుతున్నాయి. ఈ సినిమాలో యాక్షన్ సీక్వెన్సెస్ మరో రేంజ్ లో ఉండనున్నాయని తెలుస్తోంది.
ముఖ్య ఆకర్షణగా నిలవనున్న థమన్
అటు అనిల్ రావిపూడి తరహా కామెడీ తో పాటు బాలయ్య అభిమానులు ఆశించే యాక్షన్, ఈ సినిమాలో ఉంటుందట. ఇక థమన్ సంగీతం ఎలాగూ ఉంది కాబట్టి మరింత ప్రత్యేకంగా ఉంటుంది. బాలయ్య సినిమాకు వరుసగా మూడవసారి పని చేస్తున్నాడు థమన్. అంతకుముందు వచ్చిన అఖండ, వీరసింహారెడ్డి చిత్రాల్లోని నేపథ్య సంగీతానికి ఎంతలా పేరొచ్చిందో చెప్పాల్సిన పనిలేదు. ఎన్ బీ కే 108సినిమాలోనూ అదే మాదిరి నేపథ్యసంగీతం అభిమానులను ఉర్రూతలూగిస్తుందని అంటున్నారు. షైన్ స్క్రీన్ బ్యానర్ పై రూపొందుతున్న ఈ సినిమాకు సినిమాటోగ్రఫీ బాధ్యతలు సి రామ్ ప్రసాద్ చూస్తున్నారు. ఎడిటింగ్ బాధ్యతలు తమ్మిరాజు స్వీకరించాడు. వి వెంకట్, యాక్షన్ కొరియోగ్రఫీ చేస్తున్నారు.
