Prabhas: ప్రభాస్ బర్త్ డే స్పెషల్.. 'రాజా సాబ్' నుంచి కొత్త పోస్టర్ వచ్చేస్తోంది!
ఈ వార్తాకథనం ఏంటి
రెబల్ స్టార్ ప్రభాస్ తన 45వ పుట్టిన రోజును అక్టోబర్ 23న జరుపుకోనున్నారు. ఈసారి ఆయన బర్త్ డే వేడుకలు చాలా ప్రత్యేకంగా ఉండనున్నట్లు తెలుస్తోంది.
ప్రభాస్ బర్తడే సందర్భంగా 'ఈశ్వర్', 'మిస్టర్ పర్‌ఫెక్ట్' మళ్లీ థియేటర్లలో సందడి చేయనున్నాయి. అంతేకాకుండా సలార్‌కి ప్రత్యేక షోలు వేయనున్నారు.
ప్రభాస్ ప్రస్తుతం డైరెక్టర్ మారుతీ దర్శకత్వంలో 'ది రాజా సాబ్' అనే చిత్రంలో నటిస్తున్నాడు.
ఆయన పుట్టిన రోజు సందర్భంగా ఈ సినిమాకు సంబంధించి ప్రత్యేకమైన అప్‌డేట్ రావాలని అభిమానులు ఎంతో ఆసక్తిగా ఎదురు చూస్తున్నారు. డైరెక్టర్ మారుతీ ఈ విషయంపై స్పందించారు.
Details
రేపే పోస్టర్ రిలీజ్
ప్రభాస్ పుట్టిన రోజున హోర్డింగ్స్, ఫ్లెక్సీలు, బ్యానర్లు అన్ని అద్భుతంగా ఉంటాయని, అందువల్ల కొత్త స్టిల్ ఎందుకు రిలీజ్ చేయకూడదని తెలిపారు.
ఈ నేపథ్యంలో నిర్మాత ఎస్‌కేఎన్ "రేపు (అక్టోబర్ 21) ది రాజా సాబ్ నుంచి కొత్త స్టిల్‌ను విడుదల చేస్తామని చెప్పాడు. ప్రభాస్ పుట్టిన రోజు సమీపిస్తున్నందున, ఈ ప్రత్యేక పోస్టర్‌కి ఫ్యాన్స్ చాలా ఆసక్తిగా ఎదురు చూస్తున్నారు.
"ది రాజా సాబ్" సినిమా ఒక హారర్ రొమాంటిక్ కామెడీగా రూపొందుతుంది, ఇందులో ప్రభాస్ సరసన నిధి అగర్వాల్ మరియు మాళవిక మోహనన్ హీరోయిన్లుగా నటిస్తున్నారు.
ఈ చిత్రం 2025 ఏప్రిల్ 10న విడుదల చేయనున్నట్టు ప్రకటించినట్టు తెలుస్తోంది. థమన్ ఈ సినిమాకు సంగీతాన్ని అందిస్తున్నాడు.