Prabhas : ప్రభాస్‌పై వేణుస్వామి సంచలన జోతిష్యం.. మండిపడుతున్న అభిమానులు
ఈ వార్తాకథనం ఏంటి
పాన్ ఇండియా స్టార్ ప్రభాస్ గురించి ఓ ఆస్ట్రాలాజర్ గుండె పగిలిపోయే వార్తను ప్రకటించారు.
ఈ మేరకు ఈ జన్మలో ప్రభాస్'కు పెళ్లి యోగం లేదని అంచనా వేశారు. దీంతో అతనిపై బాహుబలి ఫ్యాన్స్ తీవ్ర ఆగ్రహం వ్యక్తం చేస్తున్నారు.
టాలీవుడ్ డార్లింగ్ హీరో ప్రభాస్ ఓ ఇంటివాడు అయితే చూడాలని, అమ్మాయితో ఏడు అడుగులు వేస్తే ఆశీర్వదించాలని ఆయన కుటుంబీకులతో పాటు సినీప్రేక్షకుల ఆకాంక్ష.
44 ఏళ్ల వయసులో ఆయనకు ఇంకా పెళ్లి కాలేదు. ఈ మేరకు ఆయనకు పెళ్లి యోగం లేదని ప్రముఖ ఆస్ట్రాలజర్ వేణు స్వామి సంచలన వ్యాఖ్యలు చేశారు.
ప్రభాస్ పెళ్లి విషయంలో సమస్యలున్నాయని ఆయన చెప్పుకొచ్చారు. ఈ క్రమంలోనే రెబల్ స్టార్ అభిమానులు వేణుస్వామిని తప్పుబడుతున్నారు.
DETAILS
గతంలో ఆ మాటలు నిజమయ్యాయి
సినీ సెలబ్రిటీలకు చెందిన వ్యక్తిగత జీవితాలు, జాతకాల గురించి చెబుతూ వేణు స్వామి సోషల్ మీడియాలో విపరీతమైన ప్రచారం వెనకేస్తున్నారు.
పబ్లిసిటీ కోసం తాను వాళ్ల జాతకాలు చెబుతున్నానని, తాను చెప్పినవి వంద శాతం జరిగాయని చెప్పుకొచ్చారు.
అందువల్లే జనం తనపై విశ్వాసం వ్యక్తం చేస్తున్నారని తెలిపారు. అక్కినేని నాగ చైతన్య, సమంత విడిపోతారని వేణు స్వామి గతంలో చెప్పిన మాటలు నిజమయ్యాయి. ఈ నేపథ్యంలోనే ఆయన వ్యాఖ్యలకు ప్రేక్షకుల్లో ప్రాధాన్యం ఏర్పడింది.
ఇటీవలే పెళ్లి చేసుకున్న వరుణ్ తేజ, లావణ్య త్రిపాఠి దంపతులు కలిసి ఉండే అవకాశాలు లేవని వేణు స్వామి అంటున్నారు.
దీంతో ప్రభాస్ అభిమానులు ఓ వైపు, మరోవైపు మెగా అభిమానులు ఆయనపై ఆగ్రహం వ్యక్తం చేస్తున్నారు.