ప్రభాస్ స్పిరిట్ సినిమా షూటింగ్ పై ఆసక్తికర అప్డేట్
పాన్ ఇండియా స్టార్ ప్రభాస్ చేతిలో ప్రస్తుతం అరడజనుకు పైగా సినిమాలున్నాయి. అధికారికంగా ప్రకటనలు వచ్చినవి కాకుండా, సుకుమార్ దర్శకత్వంలో ఓ సినిమా ఉండబోతుందని తాజాగా వార్తలు వచ్చాయి. అదలా ఉంచితే ప్రస్తుతం ప్రాజెక్ట్ కె, సలార్, రాజా డీలక్స్ సినిమాల మీద ఫుల్ ఫోకస్ పెట్టాడు ప్రభాస్. ఈ మూడు సినిమాల షూటింగ్స్, వేగంగా జరుగుతున్నాయి. తాజా సమాచారం ప్రకారం ప్రభాస్, తన కొత్త సినిమా షూటింగ్ మొదలు పెట్టబోతున్నట్లు తెలుస్తోంది. అర్జున్ రెడ్డి సినిమా డైరెక్టర్ సందీప్ వంగాతో స్పిరిట్ సినిమా అనౌన్స్ మెంట్ వచ్చిన సంగతి తెలిసిందే. చాలా రోజులుగా స్పిరిట్ సినిమా గురించి ఎలాంటి అప్డేట్ బయటకి రాకపోవడంతో, స్పిరిట్ సినిమా ఇప్పట్లో ఉండదని కొందరు అనుకున్నారు.
స్పిరిట్ సినిమా షూటింగ్ ఎప్పుడు మొదలవుతుందో చెప్పేసిన నిర్మాత
చాలామంది స్పిరిట్ సినిమా ఆగిపోయిందని అనుకున్నారు. ఇప్పుడు ఈ సినిమా షూటింగ్ విషయమై అప్డేట్ వచ్చింది. ఒక ఇంటర్వ్యూలో చిత్ర నిర్మాత భూషణ్ కుమార్ మాట్లాడుతూ, ఈ సంవత్సరం చివర్లో స్పిరిట్ సినిమా షూటింగ్ మొదలవుతుందని తెలిపాడు. 2023 నవంబర్ లేదా డిసెంబర్ నెలల్లో స్పిరిట్ పట్టాలెక్కనుందని అన్నాడు. అప్పటిలోగా ప్రాజెక్ట్ కె, సలార్, రాజా డీలక్స్ సినిమాల షూటింగ్స్ ని ప్రభాస్ పూర్తి చేస్తాడట. అటు రణ్ బీర్ కపూర్ తో యానిమల్ రూపొందిస్తున్న సందీప్ వంగా కూడా తన పనులను పూర్తి చేసుకుంటాడట. స్పిరిట్ సినిమాలో ఐపీఎస్ ఆఫీసర్ గా ప్రభాస్ కనిపించనున్నాడని సమాచారం. అదే నిజమైతే తన కెరీర్ లో మొట్టమొదటి పోలీస్ పాత్ర అని చెప్పుకోవచ్చు.
