SYG : సంబరాల ఏటిగట్టు నుండి రవికృష్ణ అగ్రెసివ్ లుక్ విడుదల!
ఈ వార్తాకథనం ఏంటి
యంగ్ హీరో సాయి ధరమ్ తేజ్ నటిస్తున్న 'సంబరాల ఏటిగట్టు' మూవీపై మొదటి నుంచీ భారీ అంచనాలు నెలకొన్నాయి.
రోహిత్ కేపీ దర్శకత్వం వహిస్తున్న ఈ చిత్రాన్ని చైతన్య రెడ్డి, నిరంజన్ రెడ్డి కలిసి నిర్మిస్తున్నారు. మూవీ అనౌన్స్‌మెంట్ దగ్గరి నుంచే ఆసక్తికర హైప్ క్రియేట్ అవుతూ వస్తోంది.
ముఖ్యంగా ఈ సినిమాలో సాయిధరమ్ తేజ్ లుక్ అభిమానులను ఆకట్టుకుంటోంది. ఈ చిత్రానికి ప్రత్యేకంగా ఆయన ఫిజిక్‌ను కూడా మార్చేసుకున్నాడు.
ఇటీవల ఈ సినిమాకు సంబంధించి మరో ముఖ్య పాత్రధారి రవికృష్ణ లుక్‌ను విడుదల చేశారు. టీవీ సీరియల్స్‌ ద్వారా మంచి ఫాలోయింగ్ సంపాదించిన రవికృష్ణ.. ఈ సినిమాలో కీలక పాత్ర పోషిస్తున్నట్టు తెలుస్తోంది.
Details
సోల్టర్ యూనిఫాంలో రవికృష్ణ
తాజాగా విడుదలైన పోస్టర్‌లో ఆయన చాలా సీరియస్‌గా, అగ్రెసివ్‌గా కనిపిస్తున్నాడు. అలాగే సోల్జర్ యూనిఫామ్‌లో కనిపిస్తూ క్యూరియాసిటీ పెంచాడు.
ఈ లుక్ ప్రస్తుతం సోషల్ మీడియాలో వైరల్‌గా మారింది. ఇప్పటివరకు విడుదల చేసిన పోస్టర్లు, లుక్స్ సినిమాపై హైప్‌ను మరింత పెంచాయి.
పోస్టర్ల దశలోనే ఇంత క్రేజ్ సంపాదిస్తున్న ఈ సినిమా, విడుదల తర్వాత ఎంతమేర రికార్డులు సృష్టించనుందో అన్నది ఆసక్తికర విషయమే.
ఇక సాయిధరమ్ తేజ్ విషయానికొస్తే.. ఆయన ఇటీవలి కాలంలో ఎంచుకుంటున్న కథలు ప్రేక్షకులలో ఉత్కంఠను రేపేలా ఉంటున్నాయి.
బలమైన కంటెంట్‌తోపాటు మిస్టరీ అంశాలు కలిపి ఉండే సినిమాలకే ప్రాధాన్యత ఇస్తున్నాడు. ఇప్పుడు 'సంబరాల ఏటిగట్టు'తో ఆయన హిట్ ట్రాక్‌ను కొనసాగించగలడా లేదా అనేది వేచి చూడాల్సిందే.