Mass Jathara: 'మాస్ జాతర' టీజర్ డేట్ ఫిక్స్... రాఖీ పండుగ సందర్భంగా ప్రకటన, కొత్త పోస్టర్ రిలీజ్
ఈ వార్తాకథనం ఏంటి
మాస్ మహారాజా రవితేజ అభిమానులు ఎంతో ఆతృతగా ఎదురుచూస్తున్న తాజా చిత్రం 'మాస్ జాతర' నుంచి ఓ భారీ అప్‌డేట్ వచ్చింది. రాఖీ పండగ సందర్భంగా చిత్ర బృందం ఈ సినిమా టీజర్ విడుదల తేదీని అధికారికంగా ప్రకటించింది. ఈ నెల 11వ తేదీ ఉదయం 11:08 గంటలకు 'మాస్ జాతర' టీజర్‌ను ప్రేక్షకుల ముందుకు తీసుకురానున్నట్లు తెలుపుతూ, ఒక కొత్త పోస్టర్‌ను విడుదల చేశారు. ఈ ప్రకటనతో సోషల్ మీడియాలో హల్‌చల్ మొదలైంది.
వివరాలు
రవితేజ సరసన క్రేజీ హీరోయిన్ శ్రీలీల
వినాయక చవితి కానుకగా ఈ చిత్రాన్ని ఆగస్టు 27న ప్రపంచవ్యాప్తంగా విడుదల చేయాలని నిర్మాతలు ప్రణాళికలు సిద్ధం చేస్తున్నారు. విడుదల తేదీ సమీపిస్తున్న నేపథ్యంలో ప్రమోషన్ కార్యక్రమాలను వేగవంతం చేశారు. ఈ క్రమంలోనే తాజాగా టీజర్ అప్‌డేట్‌ను ప్రకటించారు. ఈ చిత్రంలో రవితేజ సరసన క్రేజీ హీరోయిన్ శ్రీలీల మరోసారి జోడీగా నటిస్తోంది. ఈ జంట కాంబినేషన్‌లో వస్తున్న సినిమా కావడంతో ప్రేక్షకుల్లో భారీ స్థాయిలో అంచనాలు నెలకొన్నాయి.
వివరాలు
సితార ఎంటర్‌టైన్‌మెంట్స్ బ్యానర్‌పై భారీ బడ్జెట్‌తో నిర్మాణం
'మాస్ జాతర' చిత్రానికి భాను భోగవరపు దర్శకత్వం వహిస్తున్నారు. ప్రతిష్టాత్మక నిర్మాణ సంస్థలు సితార ఎంటర్‌టైన్‌మెంట్స్,ఫార్చూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ సినిమాను నిర్మిస్తున్నారు. పక్కా మాస్ యాక్షన్ ఎంటర్‌టైనర్‌గా రూపొందుతున్న ఈ చిత్రానికి భీమ్స్ సిసిరోలియో సంగీతం అందిస్తున్నారు. పండగ సీజన్‌లో విడుదల కాబోతున్న ఈ సినిమా బాక్సాఫీస్ వద్ద ఎలాంటి విజయాన్ని సొంతం చేసుకుంటుందో చూడాల్సి ఉంది.
ట్విట్టర్ పోస్ట్ చేయండి
నిర్మాణ సంస్థ చేసిన ట్వీట్
The VINTAGE MASS SWAGGER is on full display 😎🔥#MassJatharaTeaser will be out on August 11th at 11:08AM ❤️🔥
— Sithara Entertainments (@SitharaEnts) August 9, 2025
Stay tuned for the entertaining show 🤟🏻#MassJathara #MassJatharaOnAug27th
Mass Maharaaj @RaviTeja_offl @Sreeleela14 @BhanuBogavarapu @vamsi84 #SaiSoujanya… pic.twitter.com/bJwxeggOgS