సమంత శాకుంతలం రిలీజ్ డేట్ ఫిక్స్.. ఆ విషయంలో బాధపడుతున్న అభిమానులు
ఈ వార్తాకథనం ఏంటి
ప్రస్తుతం తెలుగు ఇండస్ట్రీలో పాపులారిటీ ఎక్కువ ఉన్న హీరోయిన్ లలో సమంత మొదటి స్థానంలో ఉంటుంది. ఇప్పుడిప్పుడు కొత్తవాళ్ళు వస్తున్నప్పటికీ సమంత స్థానం ఇంకా అలాగే ఉంది.
మొన్నటికి మొన్న యశోద సినిమాకు మంచి ఓపెనింగ్స్ తెచ్చుకుని తన స్థానాన్ని పదిలంగా నిలబెట్టుకుంది. యశోద తర్వాత సమంత నుండి శాకుంతలం సినిమా ప్రేక్షకుల ముందుకు వస్తోంది.
హిందూ పురాణాల్లోని దుష్యంతుడు, శకుంతల మధ్య జరిగిన ప్రేమ కథను శాకుంతలం ద్వారా వెండితెర మీద చూపిస్తున్నారంటూ అందరూ అనుకుంటున్నారు. ఇప్పటికే రిలీజైన సమంత ఫస్ట్ లుక్ పోస్టర్ ప్రేక్షకులకు బాగా నచ్చింది.
శాకుంతలం సినిమాను ఫిబ్రవరి 17వ తేదీన రిలీజ్ చేస్తున్నట్లు చిత్రబృందం ప్రకటించింది. ఈ విషయంలో అభిమానులు కొంత ఆందోళ పడుతున్నారు.
సమంత
ప్రమోషన్లకు సమంత వస్తుందా?
మహాశివరాత్రి సందర్భంగా ఈ సినిమాను ప్రేక్షకుల ముందుకు తీసుకు వస్తున్నారు. ఐతే ఆ టైమ్ లో బాక్సాఫీసు వద్ద మరో రెండు సినిమాలు విడుదల కానున్నాయి.
విశ్వక్ సేన్ ధమ్కీ చిత్రం, తమిళ హీరో ధనుష్, తొలిసారి తెలుగులో నటించిన సార్ చిత్రం కూడా ఫిబ్రవరి 17వ తేదీన రిలీజ్ అవుతున్నాయి. దీంతో శాకుంతలం సినిమాకు గట్టి పోటీ ఉండనుంది.
ఇదే విషయంలో అభిమానులు ఆందోళన చెందుతున్నారు. సమంత ఆరోగ్యం బాలేనందున ప్రమోషన్లకు హాజరయ్యే పరిస్థితి లేనట్లు తెలుస్తోంది. దానివల్ల సినిమా కలెక్షన్లపై ప్రభావం పడుతుందని అనుకుంటున్నారు.
శాకుంతలం సినిమాను గుణ టీమ్ వర్క్స్ బ్యానర్ పై నీలిమ గుణ నిర్మిస్తుంది. గుణశేఖర్ దర్శకత్వం వహిస్తున్నారు. మణిశర్మ సంగీతం అందిస్తున్నారు.