VenkyAnil 3: సంక్రాంతికి వస్తున్నాం.. గోదారి గట్టు ఫుల్ లిరికల్ వీడియో టైం ఫిక్స్‌
టాలీవుడ్ నటుడు వెంకటేశ్ నటిస్తున్న తాజా చిత్రం "సంక్రాంతికి వస్తున్నాం" (Sankranthiki Vasthunam). అనిల్ రావిపూడి దర్శకత్వంలో రూపొందుతున్న ఈ చిత్రాన్ని "వెంకీ అనిల్ 3" అనే పేరుతో పరిచయం చేస్తున్నారు. ఈ చిత్రంలో మహిళా ప్రధాన పాత్రల్లో మీనాక్షి చౌదరి, ఐశ్వర్య రాజేశ్ నటిస్తున్నారు. ఇప్పటికీ ఈ సినిమా నుండి "గోదారి గట్టు" అనే పాట ప్రోమోను నెట్‌లో వైరల్‌గా మారింది. ఈ పాటకు సంబంధించి తాజాగా లిరికల్ వీడియో విడుదల తేదీని మేకర్స్ ప్రకటించారు. రేపు ఉదయం 11:07 గంటలకు ఈ పాటను లాంచ్ చేయనున్నారు. రమణ గోగుల, మధు ప్రియ ఈ పాటను పాడగా, భీమ్స్ సిసిరోలియో సంగీతం సమకూర్చారు.
2025 సంక్రాంతికి, జనవరి 14న గ్రాండ్ రిలీజ్‌కు సిద్ధం
ఈ పాట చిత్రం హైలెట్‌గా నిలవబోతుందని, ఐశ్వర్య రాజేశ్-వెంకటేశ్ కాంబో ఫొటోలు మరింత ఆకట్టుకునేలా ఉన్నాయని చెప్పవచ్చు. ఇటీవల ఈ చిత్రంలో వెంకటేశ్, మీనాక్షి చౌదరి జంటగా నటించే ఒక పాటను డెహ్రాడూన్, ముస్సోరి, రిషికేశ్ వంటి అద్భుతమైన పర్యాటక ప్రాంతాల్లో చిత్రీకరిస్తున్నట్లు మేకర్స్ ఒక వీడియో ద్వారా వెల్లడించారు. ఈ చిత్రం 2025 సంక్రాంతికి, జనవరి 14న గ్రాండ్ రిలీజ్‌కు సిద్ధమవుతోంది. ఈ చిత్రంలో పాపులర్ మరాఠీ నటుడు, "యానిమల్" చిత్రంలో నటించిన ఉపేంద్ర లిమాయే, కోలీవుడ్ నటుడు వీటీవీ గణేశ్ కీలక పాత్రలు పోషిస్తున్నారు. ట్రయాంగిల్ క్రైమ్ డ్రామా నేపథ్యంలో రూపొందిన ఈ చిత్రాన్ని దిల్ రాజు సమర్పణలో శిరీష్ నిర్మిస్తున్నారు.
