సింగర్ సునీత బర్త్ డే: సింగర్ గా పేరు తెచ్చుకొని డబ్బింగ్ ఆర్టిస్టుగా ఏ ఏ హీరోయిన్లకు గొంతునిచ్చిందో తెలుసా?
ఈ వార్తాకథనం ఏంటి
సునీత ఉపద్రష్ట.. కృష్ణవంశీ తెరకెక్కించిన గులాబీ చిత్రంలోని ఈ వేళలో నీవు ఏం చేస్తూ ఉంటావో అనుకుంటూ ఉంటాను అనే పాటతో తెలుగు సినిమా సంగీత లోకానికి పరిచయమైంది.
గులాబీ చిత్రంలోని ఆ పాట ఇప్పటికీ చాలా ఫేమస్. సింగర్ సునీత అనగానే అందరికీ ఆ పాట గుర్తుకొస్తుందంటే ఆ పాట క్రియేట్ చేసిన ఇంపాక్ట్ ఎలాంటిదో అర్థం చేసుకోవచ్చు.
ఈరోజు సునీత బర్త్ డే. ఈ సందర్భంగా ఆమె కెరీర్ లోని ఇంట్రెస్టింగ్ విషయాల గురించి మాట్లాడుకుందాం.
సింగర్ గా తెలుగు సహా ఇతర భాషల్లోనూ పాడిన సునీత, డబ్బింగ్ ఆర్టిస్ట్ గానూ పనిచేసింది. చాలామంది స్టార్ హీరోయిన్లకు ఆమె గొంతును అందించింది.
Details
ఏ ఏ హీరోయిన్లకు సునీత గొంతును అందించిందంటే
ఈ లిస్టులో ముందుగా చెప్పుకోవాల్సింది జయం సినిమా గురించి. ఇందులో హీరోయిన్ సదాకు సునీత డబ్బింగ్ చెప్పింది. వెళ్ళవయ్యా వెళ్ళు, అనే డైలాగ్ ఎంత పాపులరో మనందరికీ తెలుసు.
బాస్, సింహ, తులసి సినిమాల్లో నయనతార, ఆడవారి మాటలకు అర్ధాలే వేరులే, నమో వెంకటేశా చిత్రాల్లో త్రిష, జులాయి, ఆట సినిమాల్లో ఇలియానా పాత్రలకు గాత్ర దానం చేసింది సునీత.
ఇంకా శ్రియ, మీరాజాస్మిన్, ప్రియమణి, తమన్నాలకు చాలా సినిమాల్లో డబ్బింగ్ చెప్పింది.
ఇక సునీత వ్యక్తిగత విషయాలకు వస్తే, ఆమెకు తన 19వ ఏట కుమార్ గోపరాజుతో వివాహం జరిగింది. ఆ తర్వాత కొన్ని కారణాల వల్ల వీరిద్దరూ విడిపోయారు. ప్రస్తుతం రామకృష్ణ వీరపనేని అనే వ్యాపారవేత్తను వివాహం చేసుకుంది సునీత.