స్కంద సినిమా చూసిన వాళ్ళకు సర్ప్రైజ్ : స్కంద 2ని ప్రకటించేసిన బోయపాటి
ఈ వార్తాకథనం ఏంటి
రామ్ పోతినేని, శ్రీలీల జంటగా నటించిన చిత్రం స్కంద. మాస్ చిత్రాల దర్శకుడు బోయపాటి శ్రీను దర్శకత్వంలో రూపొందిన ఈ చిత్రం ఈరోజు ప్రేక్షకుల ముందుకు వచ్చింది.
ఈ సినిమాలో రామ్ పోతినేని మునుపెన్నడూ కనిపించని విధంగా మాస్ అవతారంలో కనిపించారు.
మాస్ ప్రేక్షకులను మెప్పించే యాక్షన్ సీక్వెన్సులతో బోయపాటి శ్రీను స్కంద సినిమాను తీర్చిదిద్దారని ఇంటర్నెట్లో కామెంట్లు వస్తున్నాయి.
స్కంద సినిమాలో రామ్ పోతినేని డ్యూయల్ రోల్ లో కనిపించారు. థియేటర్లలో ఈ సినిమాను చూసిన వారికి చివర్లో ఒక సర్ప్రైజ్ కనిపించింది.
అదేంటంటే స్కంద సినిమాకు సీక్వెల్ ఉంటుందని బోయపాటి శ్రీను ప్రకటించేశారు.
Details
రామ్ పోతినేని కెరీర్లో రెండవ సీక్వెల్
స్కంద సినిమా పూర్తవుతున్న సమయంలో స్కంద 2 గురించి ప్రకటన రావడంతో ఒక్కసారిగా ప్రేక్షకులందరూ సర్ప్రైజ్ ఫీలయ్యారు.
ఈ సీక్వెల్.. ప్రకటనకే సరిపోతుందా లేదా ముందుకు వెళ్తుందా అనేది మరికొద్ది రోజుల్లో తేలిపోతుంది.
ఒకవేళ స్కంద సినిమా సీక్వెల్ నిజంగా ఉంటే రామ్ పోతినేని కెరీర్లో రెండవ సీక్వెల్ సినిమా అవుతుంది.
ఇప్పటికే ఇస్మార్ట్ శంకర్ సినిమాకు సీక్వెల్ గా రూపొందుతున్న డబుల్ ఇస్మార్ట్ సినిమాలో రామ్ పోతినేని నటిస్తున్నారు.
ఇటు బోయపాటి శ్రీనుకి కూడా రెండవ సీక్వెల్ అయ్యే అవకాశం ఉంది. ఎందుకంటే అఖండ సినిమాకు సీక్వెల్ గా అఖండ 2 రాబోతుందని ఇదివరకే కథనాలు వచ్చాయి. మరేం జరుగుతుందో చూడాలి.