స్కంద ప్రీ రిలీజ్ థండర్ కు థమన్ మరింత హైప్.. 'రాపో' కాదు 'ర్యాంపో'
రామ్ పోతినేని, బోయపాటి శ్రీను కాంబినేషన్ లో తెరకెక్కిన స్కంద సినిమా సెప్టెంబర్ 15వ తేదీన థియేటర్లలో విడుదలకు సిద్ధమవుతోంది. ఈ నేపథ్యంలో ప్రీ రిలీజ్ థండర్ పేరుతో ఆగస్టు 26వ తేదీన స్కంద ట్రైలర్ ని రిలీజ్ చేస్తున్న‌ట్లు మేక‌ర్స్ ప్ర‌క‌టించిన విష‌యం తెలిసిందే. ఈ విషయమై స్కంద మూవీ మ్యూజిక్ డైరెక్టర్ థమన్ సోష‌ల్ మీడియాలో తాజాగా ఓ పోస్టు పెట్టాడు. ఈ రోజు వచ్చే స్కంద ట్రైలర్ అదరగొడుతుందని రాసుకొచ్చాడు. ఈ రోజు జరిగే ఈవెంట్ లో నందమూరి బాలకృష్ణ అతిధిగా రాబోతున్నారు. రిలీజ్ కానున్న ఈ ట్రైలర్‌పై ఇప్ప‌టికే భారీ అంచ‌నాలు నెలకొన్నాయి.శ్రీలీల హీరోయిన్ గా కనిపిస్తున్నసినిమా, పాన్ ఇండియా రేంజ్ లో తెలుగు,తమిళం,కన్నడ,మళయాలం,హిందీ భాషల్లో విడుదలవుతుంది.
